/

Deildu:

Ólafía í Frakklandi. seth@golf.is
Auglýsing

Ólafía Þórunn Kristinsdóttir endaði í 26. sæti á LET Access mótaröðinni en lokahringurinn fór fram í Sviss í dag. GR-ingurinn lék á 75 höggum eða +3 á lokahringnum og var hún samtals á pari vallar eftir 54 holur (72-69-75).  Slæmur lokakafli á hringnum í dag varð til þess að Ólafía lék á parinu en hún var -4 samtals þegar 12 holur voru eftir af hringnum. Caroline Gonzales Garcia frá Spáni sigraði á -8 samtals en hún setti vallarmet á fyrsta hringnum þar sem hún lék á -9 eða 63 höggum.

Screen Shot 2016-04-30 at 5.20.56 PM

Ólafía lék á sínu fyrsta móti á Terre Blanche mótinu í Frakklandi í lok mars og þar náði hún fínum árangri og lék á einu höggi undir pari samtals og endaði á meðal 15 efstu.

Alls eru 126 keppendur á þessu móti frá 28 þjóðum. Mótið fer fram á Golf Club Gams Werdenberg í Gams í Sviss. Heildarverðlaunaféð er 4,3 milljónir kr.

Margir kylfingar sem eru með keppnisrétt á LET Evrópumótaröðinni eru á meðal keppenda á þessu móti. Mótið er því sterkt og gefur mörg stig á heimslistann.

Staðan á mótinu í Sviss.

Þetta er annað mótið á þessu ári hjá Ólafíu en hún undirbýr sig af krafti fyrir fyrsta mótið á sjálfri LET Evrópumótaröðinni í byrjun maí. Ólafía er með keppnisrétt á sterkustu atvinnumótaröð Evrópu í kvennaflokki en hún fær samt sem áður ekki mörg tækifæri á þeirri mótaröð á sínu fyrsta keppnistímabili. Hún nýtir því hvert tækifæri til þess að keppa á næst sterkustu atvinnumótaröð Evrópu, LET Access mótaröðinni, en þar eru tveir íslenskir kylfingar með keppnisrétt. Ólafía Þórunn og Valdís Þóra Jónsdóttir úr GL.

(Visited 330 times, 165 visits today)

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ