Jussi Pitkänen, afreksstjóri GSÍ, hefur valið eftirfarandi leikmenn til keppni á Duke of York og Teodoro Soldati Trophy á Biella vellinum á Ítalíu.
Amanda Guðrún Bjarnadóttir frá Golfklúbbnum Hamri Dalvík og Sigurður Már Þórhallsson úr Golfklúbbi Reykjavíkur keppa á Duke of York. Sturla Höskuldsson PGA kennari frá GA verður liðsstjóri en mótið fer fram 12.-14. september á Royal Liverpool vellinum.
Sigurður, Andri og Böðvar keppa á Ítalíu
Þrír kylfingar keppa 5.-7. september á Teodoro Soldati Trophy á Biella vellinum á Ítalíu. Ingi Rúnar Gíslason PGA kennari frá GR verður liðsstjóri. Leikmenn Íslands verða Sigurður Bjarki Blumenstein (GR), Böðvar Bragi Pálsson (GR) og Andri Már Guðmundsson (GM).
