Eva Kristinsdóttir, GM og Veigar Heiðarsson, GA tóku þátt á Global Junior Golf móti sem fram fór á Praia D´el Rey golfsvæðinu í Portúgal.
Mótið var hluti af alþjóðlegu unglingamótaröðinni, Global Junior, þar sem að keppt er í þremur aldursflokkum, 23 ára og yngri, 18 ára og yngri og 14 ára og yngri.
Veigar keppti í 18 ára og yngri flokknum. Hann endaði í 2. sæti í sínum aldursflokki á einu höggi yfir pari vallar samtals á 54 holum, 220 högg (73-71-76) +1. Í heildarkeppninni í öllum aldursflokkum endaði Veigar í 3. sæti.
Eva keppti í 18 ára og yngri flokknum. Hún sló draumahöggið á 1. keppnisdegi þar sem hún fór holu í höggi á 8. braut vallarins. Eva lék hringina þrjá á 233 höggum (+14) (75-78-80) og endaði hún í 3. sæti í sínum aldursflokki. Í heildarkeppninni hjá öllum aldursflokkum endaði Eva í 4. sæti.
Fjölmargir íslenskir kylfingar hafa náð góðum árangri á Global Junior mótaröðinni á undanförnum árum. Mótaröðin telur til stiga á heimslista áhugakylfinga og fór eitt mót fram á Íslandi í fyrra, hjá Golfklúbbi Mosfellsbæjar.
Smelltu hér fyrir lokaúrslit mótsins í Portúgal.
Eva og Veigar eru bæði á meðal keppenda á móti sem hefst fimmtudaginn 23. nóvember í Portúgal – en það mót fer fram á West Cliffs vellinum á Praia D´el Rey golfsvæðinu. Mótið er einnig hluti af Global Junior mótaröðinni.
![404942122_817399880395392_5161893661661401235_n - Golfsamband Íslands](https://www.golf.is/wp-content/uploads/2023/11/404942122_817399880395392_5161893661661401235_n-1024x768.jpg)
![Screenshot-2023-11-22-at-9.51.15 AM - Golfsamband Íslands](https://www.golf.is/wp-content/uploads/2023/11/Screenshot-2023-11-22-at-9.51.15 AM-1024x450.png)
![Screenshot-2023-11-22-at-9.53.14 AM - Golfsamband Íslands](https://www.golf.is/wp-content/uploads/2023/11/Screenshot-2023-11-22-at-9.53.14 AM-1024x431.png)