Axel Bóasson, Guðmundur Ágúst Kristjánsson og Haraldur Franklín Magnús eru allir á meðal keppenda á Abu Dhabi Challenge mótinu sem hefst á fimmtudaginn.
Mótið er hluti af Challenge Tour atvinnumótaröðinin sem er í næst efsta styrkleikaflokki atvinnumótaraða í karlaflokki í Evrópu.
Mótið fer fram á Al Ain Equestrian vellinum í Abu Dhabi og verða leiknir fjórir hringir á fjórum keppnisdögum og ráðast úrslitin sunnudaginn 21. apríl
Haraldur Franklín hefur tekið þátt á þremur mótum á tímabilinu en hans besti árangur á árinu er 13. sæti á móti sem fram fór í Suður-Afríku í febrúar.
Guðmundur Ágúst og Axel eru að leika á sínu fyrsta móti á tímabilinu á þessari mótaröð.
Smelltu hér fyrir rástíma, stöðu og úrslit:
Alls eru 29 mót á Challenge Tour á þessu tímabili og er mótið í Abu Dhabi það sjöunda á þessu tímabili.
