Fyrstu mót sumarsins fyrir bestu kylfinga landsins fara fram hjá Golfklúbbi Suðurnesja og Nesklúbbnum í maí.
Vormót GS verður haldið dagana 19.-20. maí og Vormót NK dagana 25.-26. maí.
Mótin eru haldin með nýju sniði þar sem þau telja ekki á stigalista GSÍ mótaraðarinnar og telja ekki á heimslista áhugakylfinga.
Leikinn er 36 holu höggleikur í báðum mótunum.
Þeir kylfingar sem enda á meðal 25% efstu kylfinganna hljóta verðlaunafé. Mótsgjald er 15.000kr sem rennur óskipt í verðlaunafé.
Skráningarfrestur í Vormót GS er til 23:59 fimmtudaginn 16. maí og skráningarfrestur í Vormót NK er til 23:59 miðvikudaginn 22. maí.
Nánari upplýsingar um mótin má finna í keppnisskilmálum í Golfbox við skráningu.
