Bjarki Pétursson og Gísli Sveinbergsson komust einu skrefi nær því að fara í úrslit í NCAA háskólagolfinu í Bandaríkjunum. Borgnesingurinn og Keilismaðurinn úr Hafnarfirði voru í sigurliði Kent State í Mid-American Conference mótinu. Með sigrinum tryggði Kent State sér keppnisrétt í Regionals úrslitamótinu sem fram fer í maí.
Kent State liðið hafði mikla yfirburði í þessu móti og sigraði með 20 högg mun.
Bjarki Pétursson endaði í 7. sæti í einstaklingskeppni en hann lék hringina fjóra á +5 samtals. Gísli endaði í 13. sæti í einstaklingskeppninni á 11 höggum yfir pari vallar.
