Þrír íslenskir kylfingar tóku þátt á Viking Challenge mótinu á Áskorendamótaröð Evrópu sem fram fór í Noregi. Vegna veðurs var ein umferð af alls fjórum felld niður.
Andri Þór Björnsson úr GR náði bestum árangri íslensku kylfingana en hann lék á +1 samtals og varð í 45. sæti. Birgir Leifur Hafþórsson úr GKG lék á +2 samtals og endaði í 51. sæti.
Ólafur Björn Loftsson úr GKG lék á +10 samtals á fyrstu tveimur dögunum og komst ekki í gegnum niðurskurðinn.
