Guðrún Brá Björgvinsdóttir úr Keili endaði í 49. sæti á VP Bank Ladies Open 2018 atvinnumótinu sem fram fór í Sviss.
Mótið er hluti af LET Access mótaröðinni sem er sú næst sterkasta í Evrópu á eftir LET Evrópumótaröðinni.
Guðrún Brá lék hringina þrjá á 71-72-76 og endaði á +3 samtals. Þetta er annað mótið hjá Guðrúnu á tímabilinu á þessari mótaröð. Hún hóf atvinnumannaferilinn í vor og er hún með keppnisrétt á flestum mótum á LET Access mótaröðinni.
