Axel Bóasson, Íslandsmeistari í golfi 2018, er á meðal keppenda á Áskorendamótaröðinni í þessari viku. Keilismaðurinn keppir á Norður-Írlandi á Galgorm vellinum rétt norður af Belfast.
Axel hefur leik kl. 8.20 að íslenskum tíma fimmtudaginn 16. ágúst. Axel lék vel um síðustu helgi á meistaramóti Evrópu í liðakeppni í Glasgow. Þar var hann í gullverðlaunaliði Íslands í blandaðri liðakeppni og hann fékk silfurverðlaun í liðakeppni – þar sem hann lék með Birgi Leifi Hafþórssyni.
