Ólafur Björn Loftsson, GKG, endaði í 15. sæti á Bråviken Open sem er hluti af Nordic Tour atvinnumótaröðinni.
Ólafur Björn lék frábært golf og endaði á -12 samtals á Bråvikens vellinum í Svíþjóð (66-70-68) 204 högg. Það dugði eins og áður segir í 15. sæti en Svíinn Hampus Bergman sigraði með yfirburðum á -22 samtals (66-64-64) 194 högg
Ólafur Björn er eini íslenski keppandinn á þessu móti, en GR-ingarnir Guðmundur Ágúst Kristjánsson, Haraldur Franklín Magnús og Andri Þór Björnsson hafa allir leikið á þessari mótaröð á þessu tímabili.
