Dagbjartur Sigurbrandsson og Ragnhildur Kristinsdóttir, bæði úr GR, fögnuðu sigri á Síma-mótinu sem lauk í dag á Hlíðavelli hjá Golfklúbbi Mosfellsbæjar. Þetta var annað mót tímabilsins á Mótaröð þeirra bestu hjá GSÍ.

Þetta er annað mótið í röð þar sem Dagbjartur sigrar á Mótaröð þeirra bestu á þessu tímabili – en hann sigraði á Egils Gull-mótinu sem fram fór í Þorlákshöfn í maí. Var það jafnframt fyrsti sigur hans á Mótaröð þeirra en Dagbjartur er fæddur árið 2002.

Dagbjartur lék frábært golf á lokahringnum þegar mest á reyndi. Hann lék á 67 höggum eða -5 og sigraði hann með fjögurra högga mun á -6 samtals. Andri Þór Björnsson úr GR varð annar á -2 samtals og Kristófer Karl Karlsson úr GM varð þriðji.

Fimm efstu í karlaflokki:

1. Dagbjartur Sigurbrandsson , GR (69-74-67) 210 högg (-6)
2. Andri Þór Björnsson, GR (70-73-71) 214 högg (-2)
3. Kristófer Karl Karlsson, GM (73-71-71) 215 högg (-1)
4. Ólafur Björn Loftsson, GKG (72-72-72) 216 högg (par)
5. Hákon Örn Magnússon, GR (72-74-72) 218 högg (+2)

Ragnhildur vann með töluverðum yfirburðum en hún lagði grunninn á fyrsta keppnisdeginum. Saga Traustadóttir úr GR varð önnur, átta höggum á eftir Ragnhildi, og Helga Kristín Einarsdóttir varð þriðja á +20 samtals.

Hulda Bjarnadóttir úr stjórn GSÍ og Kristín María Þorsteinsdóttir úr mótstjórn GM afhentu verðlaunin.

Fimm efstu í kvennaflokki:

1. Ragnhildur Kristinsdóttir, GR (70-74-82) 226 högg (+10)
2. Saga Traustadóttir, GR (79-81-74) 234 högg (+18)
3. Helga Kristín Einarsdóttir, GK (73- 82-81) 236 högg (+20)
4. Hulda Clara Gestsdóttir, GKG (77- 81-84) 242 högg (+26)
5. Eva Karen Björnsdóttir, GR (78-89-78) 245 högg (+29)

Mótaröð þeirra bestu fór fram í annað sinn á þessu keppnistímabili þegar Síma-mótið var haldið á Hlíðavelli hjá Golfklúbbi Mosfellsbæjar Leiknar voru 54 holur á tveimur keppnisdögum, laugardaginn 8. og sunnudaginn 9. júní.

Færri komust að í mótið en vildu. Alls komast 84 keppendur inn í mótið en keppt er í karla – og kvennaflokki.

Leiknar verða 54 holur á tveimur keppnisdögum, 36 holur á laugardeginum og 18 holur á sunnudeginum.

Skor keppenda er uppfært hér:

Niðurskurður verður eftir 36 holur og komast 70% keppenda áfram í karla – og kvennaflokki.

Hér fyrir neðan er linkur á beina myndbandsútsendingu frá Hlíðavelli.

https://www.facebook.com/golfmos/videos/652381931853240/

Dagbjartur Sigurbrandsson úr GR og Heiðrún Anna Hlynsdóttir sigruðu á Egils Gull -mótinu sem fram fór á Þorlákshafnarvelli.

Stigalistann á Mótaröð þeirra bestu má sjá hér:

Keppendahópurinn er að venju mjög sterkur. Atvinnukylfingurinn Andri Þór Björnsson úr GR er á meðal keppenda ásamt Gísla Sveinbergssyni úr Keili sem var að ljúka við háskólanám í vor.

Fyrrum Íslandsmeistarar eru keppendahópnum, Ólafur Björn Loftsson, GKG (2009), Kristján Þór Einarsson, GM (2008), og Úlfar Jónsson(GKG) sem hefur sex sinnum fagnað stóra titlinum.

Hæsta forgjöfin í karaflokki er 4,2 og sú lægsta -2,9. Meðalforgjöfin er 1,1 í karlaflokki. Í kvennaflokki er lægsta forgjöfin 8,3 og sú lægsta -1. Meðalforgjöfin er 2,99.

Keppendur koma frá alls 13 golfklúbbum víðsvegar af landinu. Flestir frá GKG eða 21 og GR er með 20 keppendur. Sex klúbbar eru með keppendur í karla – og kvennaflokki.

Rástímar á 1. hring.

Stigalistinn á Mótaröð þeirra bestu eftir 1. mótið af alls fimm.

Konur:

Karlar: