Ólafur Björn Loftsson, atvinnukylfingur úr GKG, hefur leik í dag á 1. stigi úrtökumótsins fyrir Evrópumótaröðina í golfi.
Ólafur Björn keppir á Golf d’Hardelot vellinum í Frakkland. Alls eru 123 keppendur skráðir til leiks og komast um 20 efstu áfram á 2. stig úrtökumótsins.
Alls hafa fimm íslenskir kylfingar tryggt sér sæti á 2. stigi úrtökumótsins fyrir Evrópumótaröðina nú þegar – og er það met.
Haraldur Franklín Magnús (GR), Bjarki Pétursson (GKB), Andri Þór Björnsson (GR) og Rúnar Arnórsson (GK) komust allir í gegnum 1. stigið nýverið.
Guðmundur Ágúst Kristjánsson (GR) kemur beint inn á 2. stig úrtökumótsins.
