Guðrún Brá Björgvinsdóttir, atvinnukylfingur úr Keili Hafnarfirði, endaði í 38. sæti á Didrikson Skaftö mótinu sem lauk s.l. sunnudag í Svíþjóð.
Guðrún Brá lék samtals á 6 höggum yfir pari vallar – 213 höggum (69-72-72).
Sigurvegari mótsins var Pauline Roussin Bouchard frá Frakklandi sem var að leika á sínu öðru móti sem atvinnukylfingur. Hún lék samtals á 11 höggum undir pari vallar, 196 höggum (68-60-68).
Nánari upplýsingar – skor og úrslit – smelltu hér.
Þetta var 12. mótið hjá Guðrúnu Brá á tímabilinu. Besti árangur hennar er 12. sæti á þessu tímabili.
Guðrún Brá er í 84. sæti á stigalista LET Evrópumótaraðarinnar. Það eru 8 mót eftir á keppnistímabilinu á LET Evrópumótaröðinni. Næsta mót fer einnig fram í Svíþjóð 2. – 5. september á Kristianstad golfsvæðinu – Åhus Ostra vellinum.
