Íslandsmótinu í golfi 2022 lauk í Vestmanneyjum í dag 7. ágúst en mótið hófst fimmtudaginn 4. ágúst. Perla Sól Sigurbrandsdóttir, GR og Kristján Þór Einarsson, GM eru Íslandsmeistarar í golfi 2022. Þetta er í fyrsta sinn sem hin 15 ára Perla Sól fagnar þessum titli og í annað sinn sem Kristján Þór sigrar á Íslandsmótinu – en hann sigraði árið 2008 þegar mótið fór einnig fram í Vestmannaeyjum.

Kristján Þór fékk einnig Björgvinsskálina- sem er veitt þeim áhugakylfingi sem leikur á lægsta skorinu í Íslandsmótinu ár hvert. Þetta er í annað sinn sem þessi viðurkenning er veitt. Þetta er í þriðja sinn sem kylfingur úr GM verður Íslandsmeistari, en Heiðar Davíð Bragason, braut ísinn árið 2006.

Perla Sól er fædd árið 2006 og er hún næst yngsti kylfingurinn sem fagnar Íslandsmeistaratitli í kvennaflokki. Perla Sól verður 16 ára í september en Ragnhildur Sigurðardóttir var nýorðinn 15 ára þegar hún varð Íslandsmeistari á Jaðarsvelli á Akureyri árið 1985. Þetta er í 23. sinn sem GR-ingur fagnar Íslandsmeistaratitli í kvennaflokki.

Mótsstjórn tók þá ákvörðun síðdegis að fella niður lokaumferðina þar sem að Vestmannaeyjavöllur var óleikfær vegna úrkomu. Gert var hlé á keppni í dag vegna veðurs en gríðarleg úrkoma setti keppnishaldið úr skorðum og tekin var sú ákvörðun að fella niður lokaumferðina.

Smelltu hér fyrir rástíma, stöðu og úrslit.

Smelltu hér fyrir myndasafn frá mótinu:

Lokastaðan í kvennaflokki:

1. Perla Sól Sigurbrandsdóttir, GR 209 högg (70-70-69) (-1)
2. Ólafía Þórunn Kristinsdóttir, GR 210 högg (74-69-67) (par)
3. Guðrún Brá Björgvinsdóttir, GK 219 högg (76-71-72)(+9)
4. Ragnhildur Kristinsdóttir, GR 221 högg (73-75-73) (+11)
5.-6. Saga Traustadóttir, GKG 222 högg (78-76-68) (+12)
5.-6. Berglind Björnsdóttir, GR 146 högg (75-71-76) (+12)

Lokastaðan í karlaflokki:

1. Kristján Þór Einarsson, GM 204 högg (70-70-64) (-6)
2.-3. Sigurður Bjarki Blumenstein, GR 206 högg (75-69-62) (-4)
2.-3. Kristófer Orri Þórðarson, GKG, 206 högg (66-71-69) (-4)
4.-6. Kristófer Karl Karlsson, GM 207 högg (72-69-66) (-3)
4.-6. Böðvar Bragi Pálsson, GR 207 högg (68-69-70) (-3)
4.-6. Birgir Guðjónsson, GE 207 högg (71-64-72) (-3)

Íslandsmeistarar í karlaflokki frá upphafi:

Íslandsmeistarar í kvennaflokki frá upphafi:

3. keppnisdagur:

Perla Sól Sigurbrandsdóttir, GR, er efst þriðja keppnisdaginn í röð í kvennaflokknum en hún lék á höggi undir pari vallar í dag, 69 högg. Samtals er Perla á höggi undir pari og þar á eftir kemur Ólafía Þórunn Kristinsdóttir, GR, sem lék sinn besta hring fram til þessa í mótinu, 67 högg eða -3. Guðrún Brá Björgvinsdóttir, GK, er þriðja á +9. Hulda Clara Gestsdóttir, ríkjandi Íslandsmeistari úr GKG, jafnaði vallarmetið af bláum teigum, 65 högg. Anna Sólveig Snorradóttir, GK, lék á sama skori árið 2018 á Íslandsmótinu í golfi í Eyjum.

1. Perla Sól Sigurbrandsdóttir, GR 209 högg (70-70-69) (-1)
2. Ólafía Þórunn Kristinsdóttir, GR 210 högg (74-69-67) (par)
3. Guðrún Brá Björgvinsdóttir, GK 219 högg (76-71-72)(+9)
4. Ragnhildur Kristinsdóttir, GR 221 högg (73-75-73) (+11)
5.-6. Saga Traustadóttir, GKG 222 högg (78-76-68) (+12)
5.-6. Berglind Björnsdóttir, GR 146 högg (75-71-76) (+12)

Kristján Þór Einarsson, GM, er efstur eftir þriðja keppnisdaginn á 6 höggum undir pari vallar. Kristján Þór, sem fagnaði Íslandsmeistaratitlinum á Vestmannaeyjavelli árið 2008, er með tveggja högga forskot á Sigurð Bjark Blumenstein, GR, og Kristófer Orra Þórðarson, GKG.

Sigurður Bjarki jafnaði vallarmetið í dag þegar hann lék á 62 höggum eða 8 höggum undir pari vallar og fór hann upp um 24 sæti í dag. Haraldur Franklín Magnús, GR, deilir vallarmetinu með Sigurði.

1. Kristján Þór Einarsson, GM 204 högg (70-70-64) (-6)
2. Sigurður Bjarki Blumenstein, GR 206 högg (75-69-62) (-4)
3. Kristófer Orri Þórðarson, GKG, 206 högg (66-71-69) (-4)
4.-6. Kristófer Karl Karlsson, GM 207 högg (72-69-66) (-3)
4.-6. Böðvar Bragi Pálsson, GR 207 högg (68-69-70) (-3)
4.-6. Birgir Guðjónsson, GE 207 högg (71-64-72) (-3)

2. keppnisdagur:

Það voru miklar sviptingar í karlaflokknum á 2. keppnisdegi á Íslandsmótinu í golfi 2022 í Vestmannaeyjum. Birgir Guðjónsson, GE, var með flugeldasýningu þegar hann lék Vestmannaeyjavöll á 64 höggum eða 6 höggum undir pari. Birgir keppir fyrir yngsta golfklúbb landsins, Esju, sem stofnaður var árið 2019. Alls fékk Birgir 8 fugla og 1 örn á hringnum og hann fékk aðeins 6 pör á 18 holum. Magnaður hringur en sem dugði ekki til að ógna vallarmetinu sem Haraldur Franklín Magnús, GR, setti árið 2018 – 62 högg eða -8.

Heimaðurinn Daníel Ingi Sigurjónsson, GV, lék einnig frábært golf í dag, 66 högg, og deilir hann öðru sætinu með þeim Böðvari Braga Pálssyni, GR, og Kristófer Orra Þórðarsyni, GKG.

Alls eru 8 kylfingar undir pari vallar þegar keppni er hálfnuð.

Staðan í karlaflokki eftir 2. keppnisdag:

1. Birgir Guðjónsson, GE 135 högg (71-64) (-5)
2.-4. Daníel Ingi Sigurjónsson, GV 137 högg (71-66) (-3)
2.-4. Böðvar Bragi Pálsson, GR 137 högg (68-69) (-3)
2.-4. Kristófer Orri Þórðarson, GKG 137 högg (66-71) (-3)
5. Hlynur Geir Hjartarson, GOS 138 högg (71-67) (-2)
6.-8. Sverrir Haraldsson, GM 139 högg (72-67) (-1)
6.-8. Björn Óskar Guðjónsson, GM 139 högg (68-71) (-1)
6.-8. Sigurður Arnar Garðarsson, GKG 139 högg (71-68) (-1)

Hin 15 ára gamla Perla Sól Sigurbrandsdóttir er efst þegar keppni er hálfnuð í kvennaflokki á Íslandsmótinu í golfi 2022. Perla Sól hefur leikið báða hringina á pari Vestmannaeyjavallar og er hún með þriggja högga forskot. Ólafía Þórunn Kristinsdóttir, GR, og þrefaldur Íslandsmeistari er önnur á +3 samtals og Berglind Björnsdóttir, einnig úr GR, er á +6. Guðrún Brá Björgvinsdóttir, GK, sem er einnig þrefaldur Íslandsmeistari er í fjórða sæti á +7 samtals.

Staðan í kvennaflokki eftir 2. keppnisdag:

1. Perla Sól Sigurbrandsdóttir, GR 140 högg (70-70) (par)
2. Ólafía Þórunn Kristinsdóttir, GR 143 högg (74-69) (+3)
3. Berglind Björnsdóttir, GR 146 högg (75-71) (+6)
4. Guðrún Brá Björgvinsdóttir, GK 147 högg (76-71)(+7)
5. Ragnhildur Kristinsdóttir, GR 148 högg (73-75) (+8)
6. Heiða Guðnadóttir, GM 149 högg (76-73) (+9)
7.. Heiðrún Anna Hlynsdóttir, GOS 152 högg (76-76) (+12)
8.-10. Ástrós Arnarsdóttir, GKG 154 högg (77-77) (+12)
8.-10. Andrea Ýr Ásmundsdóttir, GA 154 högg (76-78) (+12)
8.-10. Saga Traustadóttir, GKG 154 högg (78-76) (+12)

1. keppnisdagur:

Kristófer Orri Þórðarson, GKG, er efstur eftir fyrsta keppnisdaginn af alls fjórum í karlaflokki á Íslandsmótinu í golfi 2022 í Vestmannaeyjum. Þegar þetta er skrifað eiga nokkrir kylfinga eftir að ljúka leik í dag á fyrsta keppnisdegi.

Kristófer Orri lék á 66 höggum eða 4 höggum undir pari og er hann með tveggja högga forskot á fjóra kylfinga. Þar á meðal er Aron Snær Júlíusson, GKG, sem er ríkjandi Íslandsmeistari í golfi. Alls léku 13 kylfinga á pari vallar eða betur í dag.

Staða efstu kylfinga í karlaflokki:

1 Kristófer Orri Þórðarson, GKG 66 (-4)
2.-5. Bjarni Þór Sigurðsson, GK 68 högg (-2)
2.-5. Björn Óskar Guðjónsson, GM 68 högg (-2)
2.-5. Böðvar Bragi Pálsson, GR 68 högg (-2)
2.-5. Aron Snær Júlíusson, GKG 68 högg (-2)
6.-8. Svanberg Addi Stefánsson, GK 69 högg (-1)
6.-8. Gunnlaugur Árni Sveinsson, GKG 69 högg (-1)
6.-8. Jóhannes Guðmundsson, GR 69 högg (-1)
9.-14. Sigurbjörn Þorgeirsson, GFB 70 högg (par)
9.-14. Ragnar Már Garðarsson, GKG 70 högg (par)
9.-14. Kristján Þór Einarsson, GM 70 högg (par)
9.-14. Logi Sigurðsson, GS 70 högg (par)
9.-14. Arnór Ingi Finnbjörnsson, 70 69 högg (par)

Perla Sól Sigurbrandsdóttir, GR, er efst eftir fyrsta keppnisdaginn en hin 15 ára gamli Evrópumeistari lék Vestmannaeyjavöll á pari við krefjandi aðstæður. GR-ingar eru í fjórum efstu sætunum og er ljóst að spennandi keppni er framundan í kvennaflokknum á Íslandsmótinu í golfi 2022. Ragnhildur Kristinsdóttir, GR, er önnur á +3 og Ólafía Þórunn Kristinsdóttir, GR, er á +4. Ólafía Þórunn er þrefaldur Íslandsmeistari líkt og Guðrún Brá Björgvinsdóttir, GK, sem lék á 76 höggum í dag.

Staða efstu kylfinga í kvennaflokki:

1. Perla Sól Sigurbrandsdóttir, GR 70 högg (par)
2. Ragnhildur Kristinsdóttir, GR 73 högg (+3)
3. Ólafía Þórunn Kristinsdóttir, GR 74 högg (+4)
4. Berglind Björnsdóttir, GR 75 högg (+5)
5.-8. Heiða Guðnadóttir, GM 76 (+6)
5.-8. Andrea Ýr Ásmundsdóttir, GA 76 (+6)
5.-8. Guðrún Brá Björgvinsdóttir, GK 76 (+6)
9.-10. Ástrós Arnarsdóttir, GKG 77 högg (+7)
9.-10. Hulda Clara Gestsdóttir, GKG 77 högg (+7)
11. Saga Traustadóttir, GKG 78 högg (+8)

Hér er kynningarblað um Íslandsmótið 2022 og ýmislegt annað úr innra starfi Golfsambands Íslands. Blaðinu var dreift í aldreifingu á Höfuðborgarsvæðinu og á Akureyri.