Landsmót í golfhermum 2023 stendur nú yfir en keppni hófst þann 14. janúar.
Þetta er í annað sinn sem Landsmót í golfhermum fer fram en Gunnlaugur Árni Sveinsson og Saga Traustadóttir, bæði úr GKG, sigruðu í fyrra þegar mótið fór fram í fyrsta sinn.
GKG er framkvæmdaraðili mótsins í samstarfi við GSÍ.
Í ár er leikið á Grafarholtsvelli en í fyrra var leikið á Leirdalsvelli.
Tvær undankeppnir fyrir Landsmótið verða haldnar, 18 holur hvor undankeppni.
Fyrri undankeppni fer fram 14. janúar 2023 til 21. febrúar og komast 48 efstu karlar og 24 efstu konur í seinni úrslitakeppnina sem haldin verður 22. febrúar til 21. mars 2023.
Allir gildir félagsmenn í golfklúbbum innan vébanda GSÍ hafa þátttökurétt en hægt er að taka þátt í undankeppnum hvar sem eru TrackMan golfhermar.
Staðan í karlaflokki er hér:
Staðan í kvennaflokki er hér:
Sigurður Arnar Garðarsson, GKG, er á besta skorinu í karlaflokki en hann lék á -8 eða 63 höggum. Alls eru 11 keppendur á pari vallar eða betra skori. Gunnlaugur Árni Sveinsson, GKG, er í öðru sæti á 65 höggum en hann hefur titil að verja. Heiðar Snær Bjarnason, GOS, og Arnar Daði Svavarsson, GKG, eru í þriðja sæti á 67 höggum.
Ragnhildur Kristinsdóttir, GR, er efst í undankeppninni í kvennaflokki á en hún lék á 68 höggum eða -3. Perla Sól Sigurbrandsdóttir, GR, og Heiðrún Anna Hlynsdóttir, GOS, eru þar á eftir jafnar á 72 höggum eða +1 og Karen Lind Stefánsdóttir, GKG, er fjórða á 74 höggum.
Fyrir neðan má sjá keppnisskilmála mótsins en mótið er opið í Trackman Virtual Golf 2 Tournaments kerfinu og geta keppendur hafið leik eftir skráningu með sínum TrackMan aðgangi í hvaða TrackMan golfhermasetri á landinu.
Keppnisfyrirkomulag og skilmálar:
Leikinn er höggleikur án forgjafar í karla- og kvennaflokki.
Tvær undankeppnir fyrir Landsmótið verða haldnar, 18 holur hvor undankeppni.
Fyrri undankeppni fer fram 14. janúar 2023 til 21. febrúar og komast 48 efstu karlar og 24 efstu konur í seinni úrslitakeppnina sem haldin verður 22. febrúar til 21. mars 2023.
Ef leikmenn eru á sama skori og sá sem er með lakastan árangur þeirra sem halda áfram skulu þeir báðir/allir halda áfram.
Hægt er að taka þátt í undankeppnum hvar sem eru TrackMan golfhermar, með þeim möguleika að pútta.
Stillingar mótsins tryggja að vallaraðstæður séu eins hvar sem leikið er.
Efstu 8 karlar og efstu 8 konur komast í úrslitakeppnina, Landsmótið, sem haldið verður 2. apríl 2023 í Íþróttamiðstöð GKG.
Ef leikmenn eru á sama skori og sá sem er með lakastan árangur þeirra sem halda áfram gilda seinni 9, síðan seinustu 6, loks seinustu 3 og svo 1. Ef enn er jafnt skal varpa hlutkesti.
Skor úr undankeppnum fylgja ekki yfir í úrslitakeppnina.
Leiknar eru 36 holur til úrslita um titilinn Landsmeistari í golfhermum.
Ef leikmenn eru að jafnir í efsta sæti skal leikinn bráðabani þangað til úrslit nást.
Ekki skal leikinn bráðabani ef jafnt er í öðrum sætum.
Vallaruppsetning í fyrri undankeppninni
Undankeppnir og úrslit fara fram á TrackMan Virtual Golf2 Grafarholtsvelli GR.
Stillingar eru fyrirfram ákveðnar og eru eins í öllum hermum.
Brautir og flatir eru stilltar á miðlungs mýkt og hraða (flatir 9 fet á Stimp). Holustaðsetningar eru medium. Enginn vindur. Pútt eru hluti af leiknum og hermir því stilltur á Manual pútt. Hermir gefur pútt innan við 2,4 metra.
Leikið er af hvítum teigum í karlaflokki og bláum í kvennaflokki.
Sérregla
Í þeim tilvikum sem TrackMan bætir við höggi vegna tæknilegra orsaka (t.d. ef hermir telur högg þó um æfingasveiflu sé að ræða), þá er heimilt að velja mulligan og endurtaka höggið. Kerfið skráir að leikmaður hafi tekið mulligan, og mun mótsstjórn skoða þau tilfelli sem slíkt er valið. Ef leikmaður hefur valið mulligan án þess að hafa gilda ástæðu til þess, fær viðkomandi frávísun úr mótinu.
Mótsstjórn mun skera úr um öll tæknileg tilfelli sem koma upp meðan á leik stendur.
Þátttökuréttur og skráning
Allir gildir félagsmenn í golfklúbbum innan vébanda GSÍ hafa þátttökurétt.
Skráningarferill í fyrri undankeppni:
Mótið er opið í Trackman Tournaments kerfinu og geta keppendur hafið leik eftir að keppandi fer í TrackMan hermi og skráir sig inn með sínum aðgangi.
Smellt er á valmöguleikann „Tournaments“· og í framhaldi Landsmót í golfhermum – fyrri undankeppni (karla eða kvenna), og loks „Play tournament“.
Í undankeppnum greiða þátttakendur fyrir notkun á hermi þar sem það á við.
Ekkert aukagjald er tekið fyrir þátttökuna í mótinu.
Verðlaun eftir úrslitakeppni 2. apríl:
Veitt verða verðlaun fyrir efstu þrjú sætin í hvorum flokki auk þess sem sigurvegarar fá farandbikar.
1. sæti: 100.000 kr.
2. sæti: 50.000 kr.
3. sæti: 30.000 kr.
Veitt verða verðlaun fyrir besta skor í undankeppnunum – 25.000 kr. gjafabréf.
Mótsstjórn: Úlfar Jónsson, Sigmundur Einar Másson, Brynjar Geirsson.
Hafið samband við Úlfar ulfar@gkg.is ef spurningar vakna.
Birt með fyrirvara um breytingar
Hér er útsendingin frá Landsmótinu í golfhermum 2022.
