Axel Bóasson, atvinnukylfingur úr Keili, er þessa stundina að leika til undanúrslita á Big Green Egg Swedish Matchplay Championship sem fram fer á Skövde vellinum í Svíþjóð.
Nordi
Mótið er hluti af Nordic Golf League sem er í þriðja efsta styrkleikaflokki atvinnumótaraða í Evrópu í karlaflokki.
Axel hefur unnið alla fimm leiki sína fram til þessa.
Smelltu hér fyrir úrslit og stöðu á mótinu í Svíþjóð.
Í lok tímabilsins fá fimm efstu á stigalistanum keppnisrétt á Challenge Tour – Áskorendamótaröðinni sem er í næst efsta styrkleikaflokki atvinnumótaraða í Evrópu.
Með sigri á þessu móti kæmist Axel í fimmta sæti á stigalistanum.
Smelltu hér fyrir stigalistann.
Axel hefur leikið á alls 12 mótum á tímabilinu. Hann hefur þrívegis endað í öðru sæti og einu sinni í þriðja sæti.
Þeir kylfingar sem ná að sigra á þremur mótum á tímabilinu fá keppnisrétt á Challenge Tour.
Árið 2017 varð Axel stigameistari á Nordic Golf League og var valinn kylfingur ársins á mótaröðinni. Hann fór í kjölfarið inn á Challenge Tour þar sem hann lék tímabilið 2017-2018.
Haraldur Franklín Magnús, GR, og Guðmundur Ágúst Kristjánsson, GKG, hafa báðir komist inn á Challenge Tour – Áskorendamótaröðina, með góðum árangri á Nordic Golf League.
![Screenshot 2023-07-14 at 7.33.50 AM - Golfsamband Íslands - Golfsamband Íslands](https://www.golf.is/wp-content/uploads/2023/07/Screenshot-2023-07-14-at-7.33.50-AM-1024x660.png)