Evrópumeistaramót 16 ára og yngri 2023, European Young Masters, fór fram á Sedin vellinum í Slóvakíu 27.-29. júlí.
Fjórir íslenskir kylfingar tóku þátt. Markús Marelsson, GK, Guðjón Frans Halldórsson, GKG, Pamela Ósk Hjaltadóttir, GM og Auður Bergrún Snorradóttir, GM.
Keppnisfyrirkomulag mótsins var höggleikur – leiknir eru þrír 18 holu hringir á þremur keppnisdögum. Keppt var í stúlkna – og piltaflokki.
Smelltu hér fyrir úrslit mótsins:
Markús gerði sér lítið fyrir og endaði í öðru sæti í piltaflokki 16 ára og yngri. Hann lék á 214 höggum (71-71-72) (-5 samtals). Ben Bolton frá Englandi lék best allra á -11 samtals. Frábær árangur hjá Markúsi. Perla Sól Sigurbrandsdóttir, GR, sigraði í stúlknaflokki á þessu móti í fyrra.
Guðjón Frans Halldórsson, GKG, lék á 231 höggi (78-77-76) (+12 samtals), hann endaði í 32. sæti.
Pamela Ósk Hjaltadóttir, GM, lék á 232 höggum (79-79-74) (+13 samtals), hún endaði í 34. sæti.
Auður Bergrún Snorradóttir, GM, lék á 232 höggum (79-73-80) (+13 samtals), hún endaði í 34. sæti.
Samhliða fór fram liðakeppni þar sem að þrjú bestu skorin á hverjum keppnishring töldu. Ísland endaði í 13. sæti af alls 28. liðum.
![2023_07_26_eym_sedin_team_ceremonial-39 - Golfsamband Íslands](https://www.golf.is/wp-content/uploads/2023/07/2023_07_26_eym_sedin_team_ceremonial-39-1024x683.jpg)
![00003fjolamarkusopenjunior - Golfsamband Íslands](https://www.golf.is/wp-content/uploads/2022/07/00003fjolamarkusopenjunior.jpg)
![Auður Bergrún Snorradóttir (2) - Golfsamband Íslands](https://www.golf.is/wp-content/uploads/2023/07/Audur-Bergrun-Snorradottir-2-768x1024.png)
![Pamela-Osk-Hjaltadottir-2 - Golfsamband Íslands](https://www.golf.is/wp-content/uploads/2023/07/Pamela-Osk-Hjaltadottir-2-768x1024.png)
![Gudjon-Frans-Halldorsson-2 - Golfsamband Íslands](https://www.golf.is/wp-content/uploads/2023/07/Gudjon-Frans-Halldorsson-2-768x1024.png)