Perla Sól Sigurbrandsdóttir, GR, lék vel í höggleikskeppninni á Girls Amateur Championship sem fram fer dagana 15.-20. ágúst 2023.
Perla Sól lék samtals á 1 höggi undir pari á fyrstu tveimur keppnisdögunum og komst hún auðveldlega áfram í 64 manna úrslit keppninnar.
Alls hófu 144 leikmenn keppni, 18 ára og yngri, og voru leiknir tveir 18 holu hringir í höggleikskeppninni – og komust 64 efstu í holukeppni sem tekur við höggleikskeppninni.
Leikið er tveimur keppnisvöllum. Ganton-völlurinn er par 71 og Fulford völlurinn er par 72.
Sara Pihlajamäki frá Finnlandi mætir Perlu Sól í 1. umferð holukeppninnar – en Perla Sól endaði í 14. sæti höggleikskeppninni en Sara endaði á +6 samtals og er í 51. sæti.
Mótið á sér langa sögu en fyrst var keppt árið 1919 og á þessu móti keppa aðeins sterkustu áhugakylfingar 18 ára og yngri.
Smelltu hér fyrir rástíma, stöðu og úrslit:
Perla Sól fór beint til Englands s.l. sunnudag eftir að Íslandsmótinu í golfi lauk á Urriðavelli – þar sem hún hafði titil að verja. Perla Sól endaði í 2.-4. sæti á Íslandsmótinu.
