Logi Sigurðsson, GS, og Perla Sól Sigurbrandsdóttir, GR eru stigameistarar 2023 á stigamótaröð GSÍ.

Þetta er í fyrsta sinn sem þau eru stigameistarar en fyrst var keppt um stigameistaratitla í kvenna – og karlaflokki á Íslandi árið 1989.

Logi lék á alls sex mótum á tímabilinu. Hann sigraði á Íslandsmótinu í golfi 2023 og varð í öðru sæti á Korpubikarnum. Hann varð fjórði á fyrsta móti tímabilsins í Leirunni, hann varð einnig í 6., 12. og 19. sæti á tímabilinu. Alls fengu 154 keppendur stiga á stigamótaröð GSÍ á þessu tímabili.

Perla Sól tók þátt á fjórum af alls sex mótum á tímabilinu. Hún sigraði á tveimur þeirra og þar á meðal Íslandsmótinu í holukeppni. Hún varð tvívegis í öðru sæti.

Ragnhildur Sigurðardóttir er með flesta stigameistaratitla í kvennaflokki eða alls 9. Í

karlaflokki eru Keilismennirnir Axel Bósson og Björgvin Sigurbergsson með flesta titla en Axel er með 4 stigameistaraitla líkt og Björgvin.

Lokastaðan á stigamótaröð GSÍ 2023 í karlaflokki:

1. Logi Sigurðsson, GS 3.738 stig (6 mót).
2. Kristján Þór Einarsson, GM 3.169 stig (6 mót).
3. Birgir Björn Magnússon, GK 2.745 stig (4 mót).
4. Aron Snær Júlíusson, GKG 2.469 stig (4 mót).
5. Daníel Ísak Steinarsson, GK 2.439 stig (6 mót).
6. Sigurður Arnar Garðarsson, GKG 2.415 stig (4 mót).
7. Aron Emil Gunnarsson, GOS 2.209 stig (5 mót).
8. Ingi Þór Ólafson, GM 2.152 stig (6 mót).
9. Jóhannes Guðmundsson, GR 2.095 stig (6 mót)
10. Axel Bóasson, GK 1.950 stig (2 mót).

Lokastaðan á stigamótaröð GSÍ 2023 í kvennflokki:

1. Perla Sól Sigurbrandsdóttir, GR 4.390 stig (4 mót).
2. Hulda Clara Gestsdóttir, GKG 4.300 stig (4 mót).
3. Heiðrún Anna Hlynsdóttir, GOS 3.611 stig (6 mót).
4. Ragnhildur Kristinsdóttir, GR 3.221 stig (3 mót).
5. Berglind Björnsdóttir, GR 3.150 stig (6 mót).
6. Andrea Ýr Ásmundsdóttir, GA 2.214 stig (4 mót).
7. Helga Signý Sigurpálsdóttir, GR 2.007 stig (6 mót).
8. Saga Traustadóttir, GKG 1.802 stig (4 mót).
9. Anna Júlía Ólafsdóttir, GKG 1.797 stig (4 mót).
10. Pamela Ósk Hjaltadóttir, GM 1.539 stig (4 mót).

Stigameistarar í kvennaflokki frá upphafi:

Stigameistarar í karlaflokki frá upphafi: