Axel Bóasson tekur þátt á Euram Bank Open mótinu sem fram fer á GC Adamstal vellinum í Ramsau í Austurríki. Mótið hefst fimmtudaginn 18. júlí og eru leiknir fjórir 18 holu hringir á fjórum dögum. Niðurskurður er eftir 2. keppnisdag.
Mótið er hluti af Challenge Tour mótaröðinni, sem er næst sterkasta atvinnumótaröð í karlaflokki í Evrópu.
Smelltu hér fyrir rástíma, stöðu og úrslit:
Axel er að leika á sínu áttunda móti á Challenge Tour á þessu tímabili, smelltu hér til að sjá úrslit og stöðu á stigalista.
Í lok tímabilsins komast 45 efstu á lokamótið þar sem að keppt er um 20 sæti á DP World Tour, sem er í efsta styrkleikaflokki atvinnumótaraða í Evrópu í karlaflokki.
Alls eru 29 mót á Challenge Tour á þessu tímabili og er mótið í Austurríki það fimmtánda á þessu tímabili.
Guðmundur Ágúst Kristjánsson og Haraldur Franklín Magnús eru ekki á meðal keppenda á þessu móti í Austurríki.
Haraldur Franklín er á keppendalistanum á Black Desert NI Open mótinu sem fram fer í næstu viku á Norður-Írlandi, dagana 25.-28. júlí en þar eru Axel og Guðmundur Ágúst á biðlista. Axel er í 7. sæti á biðlistanum og Guðmundur Ágúst í 15. sæti.
