Axel Bóasson, GK og Andri Þór Björnsson, GR eru á meðal keppenda á Frederikshavn Challenge atvinnumótinu sem fram fer dagana 11.-14. ágúst í samnefndri borg í Danmörku.
Mótið er hluti af næst sterkustu atvinnumótaröð í Evrópu í karlaflokki, Challengetour, Áskorendamótaröðinni.
Andri Þór komst ekki í gegnum niðurskurðinn eftir 36 holur en Axel lék fyrstu tvo hringina á pari samtals, 72-72, og var hann í 54. sæti fyrir þriðja hringinn.
Þegar þetta er skrifað hefur Axel leikið fjórar holur á þriðja hring og byrjunin á hringnum lofar góðu.
Smelltu hér fyrir rástíma, stöðu og úrslit.
