Axel Bóasson, atvinnukylfingur úr Keili, keppti á sínu fyrsta móti á árinu á Nordic atvinnumótaröðinni en keppt var í Svíþjóð dagana 4.-6. maí.
Axel lék hringina þrjá á 4 höggum yfir pari sem skilaði honum í 38. sæti. Hann lék hringina þrjá á 77-70-73 eða 220 höggum.
Lindbytvätten – mótið fór fram á Ekerum vellinum í Svíþjóð.
GR-ingurinn Andri Þór Björnsson keppti einnig á þessu móti – en hann komst ekki í gegnum niðurskurðinn.
Axel og Andri verða báðir á meðal keppenda á næsta móti sem fram fer dagana 12.-14. maí. Made in Himmerland heitir það mót og fer það fram á Rømø vellinum í Danmörku.
