Birgir Björn Magnússon, GK, sigraði í Mosóbikarnum sem fram fór á Hlíðavelli dagana 16.-18. júní. Mótið var annað mótið á stigamótaröð GSÍ á þessu ári.
Birgir Björn lék hringina þrjá á 11 höggum undir pari sem er frábært skor en alls léku 20 aðrir leikmenn samtals á pari vallar eða betur á þessu móti.
Það er óhætt að fullyrða að aldrei áður hafi jafnmargir leikmenn leikið samtals undir pari á þremur keppnishringjum af öftustu teigum á stigamótaröð GSÍ.
Jóhannes Guðmundsson, GR, varð annar á -8 samtals og Axel Bóasson, GK, varð þriðji á sama skori eða -8.
1. Birgir Björn Magnússon, GK 205 högg (-11) (67-68-70).
2.-3. Jóhannes Guðmundsson, GR 208 högg (-8) (74-67-67).
2.-3. Axel Bóasson, GK 208 högg (-8) (70-67-71).
Smelltu hér fyrir lokastöðu og úrslit í Mosóbikarnum:
Leikfyrirkomulag mótsins var höggleikur í flokki karla og kvenna, 54 holur leiknar, 18 holur á föstudegi, 18 holur á laugardegi og 18 holur á sunnudegi.
Keppendur komu frá 14 mismunandi klúbbum víðsvegar af landinu og voru 9 þeirra með keppendur í kvenna – og karlaflokki. Flestir keppendur voru frá GKG og GM en báðir klúbbar voru með 25 keppendur í þessu móti. GR var með 24 keppendur og GK var með 13.
| Klúbbur | Karlar | Konur | Samtals |
| GKG | 15 | 10 | 25 |
| GM | 14 | 11 | 25 |
| GR | 17 | 7 | 24 |
| GK | 10 | 3 | 13 |
| GO | 6 | 2 | 8 |
| GS | 5 | 1 | 6 |
| GOS | 4 | 1 | 5 |
| NK | 5 | 0 | 5 |
| GL | 3 | 1 | 4 |
| GA | 2 | 1 | 3 |
| GFH | 2 | 0 | 2 |
| GÍ | 1 | 0 | 1 |
| GÖ | 1 | 0 | 1 |
| GEY | 1 | 0 | 1 |
| 86 | 37 | 123 |
Meðaldur keppenda í mótinu var 23 ár. Í karlaflokki var meðalaldurinn 24 ár og 21 ár í kvennaflokki. Yngstu keppendurnir í kvennaflokki voru 14 ára og sá elsti 46 ára. Í karlaflokki var yngsti keppandinn 13 ára og sá elsti 54 ára.
Meðalforgjöf í mótinu var 1,45. Í kvennaflokki var meðalforgjöf keppenda 2.9. Í karlaflokki var meðalforgjöfin 0.8.
Lægsta forgjöf mótsins var +5.7 en Hákon Örn Magnússon, GR, er með þá forgjöf. Í kvennaflokki er Hulda Clara Gestsdóttir, GKG, með -3.6 í forgjöf.