Evrópumót einstaklinga í karlaflokki 2024, European Amateur Championship, hefst fimmtudaginn 26. júní og fer mótið fram á The Scandinavian (New Course) í Danmörku.
Dagbjartur Sigurbrandsson, GR, tekur þátt og er hann eini íslenski keppandinn, en aðeins áhugakylfingar eru með keppnisrétt.
Alls eru 147 keppendur og er leikinn höggleikur, alls 72 holur á fjórum keppnisdögum. Niðurskurður er eftir 2. keppnisdag og komast 96 kylfingar áfram á lokakeppnisdagana.
Smelltu hér fyrir rástíma, stöðu og úrslit:
Mótið fór fyrst fram árið 1996. Á meðal sigurvegara mótsins má nefna Sergio Garcia frá Spáni, Norður-Írann Rory McIlroy og Nicolai Höjgaard frá Danmörku.
