Eimskipsmótaröðin: Guðmundur og Helga sigruðu á Securitasmótinu

Guðmundur Ágúst og Helga Kristín. Mynd/Frosti

Guðmundur Ágúst Kristjánsson, GR og Helga Kristín Einarsdóttir, GK sigruðu á Securitasmótinu ı GR-bikarnum á Eimskipsmótaröðinni sem fram fór í Grafarholti.

Skorið hjá Guðmundi var stórkostlegt en hann lék hringina þrjá á -14 samtals en til samanburðar er mótsmetið á Íslandsmótinu í golfi -12. Helga Kristín bætti sig um 10 högg á milli keppnisdaga og lék best þegar mest á reyndi.

Guðmundur Ágúst fær 250.000 kr. í verðlaunafé þar sem hann er atvinnukylfingur en Helga Kristín fær 70.000 þar sem hún er áhugakylfingur.

Stigameistarar Eimskipsmótaraðarinnar eru Axel Bóasson, GK sem fær 500.000 kr. í sinn hlut fyrir það afrek í karlaflokki.

Guðrún Brá Björgvinsdóttir er stigameistari í kvennaflokki á Eimskipsmótaröðinni og fær hún 500.000 kr. í sinn hlut fyrir það afrek í kvennaflokki.

Staða efstu kylfinga í karlaflokki eftir 3. keppnisdag:

1. Guðmundur Ágúst Kristjánsson, GR (67-63-69) 199 högg (-14)
2. Axel Bóasson, GK (70-65-69) 204 högg (-9)
3. Rúnar Arnórsson, GK (68-72-67) 207 högg (-6)
4. Fannar Ingi Steingrímsson, GHG (71-70-68) 209 högg (-4)
5.-6. Ólafur Björn Loftsson, GKG (70-70-70) 210 högg (-3)
5.-6. Andri Þór Björnsson, GR (70-70-70) 210 högg (-3)
7. Andri Már Óskarsson, GHR (70-72-69) 211 högg (-2)
8. Kristófer Orri Þórðarson, GKG (70-71-71) 212 högg (-1)

1. Helga Kristín Einarsdóttir, GK (68-80-70) 218 högg (+5)
2. Guðrún Brá Björgvinsdóttir, GK (75-72-72) 219 högg (+6)
3.-4. Hulda Clara Gestsdóttir, GKG (80-71-71) 222 högg (+9)
3.-4. Anna Sólveig Snorradóttir, GK (77-72-73) 222 högg (+9)
5. Hafdís Alda Jóhannsdóttir, GK (78-75-77) 230 högg (+17)

Lokastaðan á stigalista Eimskipsmótaraðarinnar 2017-2018 

Skor keppenda er uppfært hér.

 

Myndir frá mótinu eru hér:



2. keppnisdagur.

Frábært golf var leikið á Grafarholtsvelli á öðrum keppnisdegi í karlaflokknum þar sem Guðmundur Ágúst Kristjánsson, GR, setti vallarmet með því að leika á 63 höggum eða -8. Hann er efstur í karlaflokknum á -12 samtals og er með fimm högga forskot á Íslandsmeistarann Axel Bóasson úr GK sem lék á 65 höggum á öðrum keppnisdegi og átti vallarmetið í stutta stund í dag.

Í kvennaflokknum eru miklar sviptingar. Guðrún Brá Björgvinsdóttir úr GK er með eitt högg í forskot á Helgu Kristínu Einarsdóttur, GK. Guðrún er á +5 samtals en hún var sjö höggum á eftir Helgu Kristínu eftir 1. keppnisdaginn. Kylfingar úr Keili raða sér í þrjú efstu sætin í kvennaflokknum en Anna Sólveig Snorradóttir er á +7 samtals fyrir lokahringinn.

2. keppnisdagur:

„Þetta var mjög „solid“ hringur. Ég sló mikið með 3-tré af teig og ég var í fuglafærum út um allt. Setti niður góð pútt á 12., 13. og 14. og náði þar góðri skorpu. Það er gaman að spila á Grafarholtsvelli á þessum árstíma, flatirnar eru góðar en ekki mjög hraðar, og ég var því mjög ákveðinn í púttunum í dag,“ sagði Guðmundur Ágúst eftir hringinn.

 

Keppendalistin er sterkur. Þar má nefna Íslandsmeistarana Axel Bóasson (GK) og Guðrúnu Brá Björgvinsdóttur (GK), atvinnukylfingana Andra Þó Björnsson (GR) og Guðmund Ágúst Kristjánsson (GR).

Mótið er áttunda mótið á keppnistímabilinu 2017-2018 og ráðast úrslitin í baráttunni um stigameistaratitilinn í karla – og kvennaflokki á Eimskipsmótaröðinni.

Skor keppenda er uppfært hér.

Stigalistanum verður endurraðað í samræmi við reglugerð um stigamót og viðauka II við reglugerðina. Það er gert til þess keppnin um stigameistaratitilinn verði jafnari á lokamótinu.

Verðlaunin er glæsileg á þessu móti.  Atvinnukylfingar á borð við Íslandsmeistarana Axel Bóasson úr GK og Guðrúnu Brá Björgvinsdóttur gætu fengið allt að 750.000. kr í sinn hlut.

Til þess þurfa þau að sigra á Securitasmótinu og landa stigameistaratitlinum á Eimskipsmótaröðinni samhliða sigrinum í GR-bikarinnar.

Ef áhugakylfingur sigrar í karla – eða kvennaflokki fær hann 70.000 kr. í sinn hlut.
Atvinnukylfingar geta fengið 250.000 kr. fyrir sigurinn á Securitasmótinu – GR-bikarinn.

Stigameistarar á Eimskipsmótaröðinni 2017-2018 fá 250.000 í sinn hlut ef þau eru atvinnukylfingar en áhugakylfingar fá 70.000 kr. gjafakort.


Aðeins stigahæstu kylfingar Eimskipsmótaraðarinnar 2017-2018 eru með keppnisrétt á þessu móti.

Veitt verða verðlaun (gjafakort) fyrir 1. – 3. sæti í flokki karla og kvenna í mótinu.

1. sæti: kr. 70.000 (áhugamaður) 250.000 kr (atvinnumaður)
2. sæti: kr. 40.000
3. sæti: kr. 20.000

Sigri atvinnukylfingur í karla eða kvennaflokki hlýtur hann 250.000.- kr í verðlaunafé.

Ef keppendur eru jafnir í fyrsta sæti þá verður leikinn bráðabani en að öðru leiti gilda móta- og keppendareglur GSÍ. Ef keppendur eru jafnir í öðrum sætum skiptast stig og verðlaun jafnt milli þeirra keppenda. Verðlaunaafhending fer fram í lokahófi.

Samhliða mótinu verður keppni um sigur á stigalista Eimskipsmótaraðarinnar. Stigalistanum verður endurraðað í samræmi við reglugerð um stigamót og viðauka II við reglugerðina. Þeir þáttakendur í mótinu er hafa hlotið stig í Eimskipsmótaröðinni á leiktímabilinu raðast á listann í samræmi við áunnin stig. Ef kylfingur á listanum tekur ekki þátt í mótinu eða ef forföll verða færast aðrir leikmenn upp listann við endurröðunina.

Verðlaun:

Fyrir stigalistann verða veitt verðlaun (gjafakort) fyrir 1. – 3. sæti í flokki karla og kvenna.

1. sæti: kr. 70.000 (áhugamaður) 500.000 kr (atvinnumaður)
2. sæti: kr. 40.000
3. sæti: kr. 20.000

Sigri atvinnukylfingur í karla eða kvennaflokki hlýtur hann kr. 500.000 í verðlaunafé. Viðkomandi þarf að hafa gerst atvinnukylfingur fyrir fyrsta mót mótaraðarinnar haustið 2017.

Uppfærður stigalisti þar sem búið er að endureikna stig eftir 1. keppnisdag  Securitasmótið – GR-bikarinn er hér fyrir neðan: 

 

Eftirfarandi kylfingar eiga þátttökurétt:

  • Efstu 33 karlar og efstu 15 konur á stigalista Eimskipsmótaraðarinnar skulu eiga forgang til þátttöku í mótinu og þar með tryggt sæti.
  • Sigurvegarar á mótum á Eimskipsmótaröðinni 2017 og 2018.
  • Tveir efstu Íslendingarnir á heimslista atvinnumanna karla og tveir efstu Íslendingarnir á heimslista atvinnumanna kvenna 15. júlí 2018.
  • Fimm efstu Íslendingarnir á heimslista áhugamanna karla og fimm efstu Íslendingarnir á heimslista áhugamanna kvenna 15. júlí 2018.
  • Þrír efstu kylfingar í meistaramóti GR (meistaraflokki) 2018.
  • Allt að sex boðsgestir mótsstjórnar.Rástímar á fyrsta keppnisdegi:
(Visited 4,559 times, 1 visits today)