Valdís Þóra Jónsdóttir / mynd/seth@golf.is
Auglýsing

Það er mat fagmanna og sérfræðinga sem sjá um umhirðu golfvalla landsins að vellirnir komi afar vel undan vetri. Það ríkir því mikil tilhlökkun hjá keppendum fyrir þriðja mót keppnistímabilsins á Eimskipsmótaröðinni 2016-2017. EgilsGullmótið fer fram á Hólmsvelli í Leiru 19.-21. maí. Tímabilið 2016-2017 er fyrsta tímabilið í sögu Eimskipsmótaraðarinnar þar sem keppni á nýju tímabili hófst að hausti til.

Skráning í Egils-Gull mótið stendur yfir og hafa margir þekktir kylfingar skráð sig til leiks. Þar má nefna að Valdís Þóra Jónsdóttir, atvinnukylfingur úr Leyni á Akranesi, er skráð til leiks. Valdís Þóra er tvöfaldur Íslandsmeistari í golfi og er ein þriggja íslenskra kvenna sem hafa komist inn á sterkustu atvinnumótaröð í Evrópu, LET.

Valdís Þóra hefur náð góðum árangri á undanförnum mánuðum á LET Evrópumótaröðinni og LET Access mótaröðinni – og verður spennandi að fylgjast með henni á Hólmsvelli í Leiru.

Veðurspáin fyrir næstu helgi er ljómandi góð samkvæmt yr.no.

Egils-Gullmótið 2016 Eimskipsmótaröðin.


Eins og áður segir stendur skráning í Egils-Gullmótið enn yfir.

Þátttakendur skulu skrá sig í mótið á golf.is fyrir klukkan 23:59 þriðjudaginn 15. maí. Greiða verður þátttökugjaldið með greiðslukorti við skráningu.

Fyrsta mót ársins á Eimskipsmótaröðinni, mótaröð bestu kylfinga landsins, er jafnframt þriðja mótið á keppnistímabilinu 2016-2017. Tvö fyrstu mót tímabilsins fóru fram s.l. haust í Nýherjamótið í Vestmanneyjum og HondaClassic á Akranesi.

Alls eru átta mót á hverju tímabili á Eimskipsmótaröðinni. Það eru sex mót eftir á þessu tímabili en tvö mót í september á þessu ári marka upphafið á nýju tímabili 2017-2018.

Axel Bóasson úr GK og Ragnhildur Kristinsdóttir GR stóðu uppi sem stigameistarar á síðasta tímbili á Eimskipsmótaröðinni. Þetta var annað árið í röð sem Axel er stigameistari en hann fagnaði sínum fyrsta stigameistaratitli haustið 2016. Ragnhildur varð stigameistari í fyrsta sinn í fyrra.

Deildu:

Auglýsing
Undirbúningur hjá Guðrúnu Brá áður en hún hélt af stað til Suður Afríku að keppa á Sunshine mótaröðinni í golfi 🇿🇦Endilega fylgist með henni næstu vikur 📸
Skráning er hafin á Golfhátíð á Akranesi ⛳️ frábær skemmtun fyrir 11-14 ára af öllu getustigi 🙏🏻 nánari upplýsingar og skráning á golf.is
Frábær vika að baki hjá íslenska landsliðshópnum á La Finca Golf ⛳️Thank you for having us lafincaresort lafinca_sports

📸 kristinmariaa
Nick Carlson shot 58 today at Lo Romero 👊🏻 He needed a birdie on 18 to shoot 59 but holed 61 yards for back to back eagles and 58 🦅🦅🤯Atvinnukylfingurinn Nick Carlson úr Golfklúbbur Mosfellsbæjar lék á 58 höggum á Lo Romero af hvítum teigum. Landsliðshópur Íslands er í æfingaferð á Spáni og lék í móti innbyrðis í dag. Hann þurfti fugl á lokaholunni til að leika á 59 höggum, en sló í holu af 55 metra færi á lokaholunni fyrir öðrum erninum í röð 🦅🦅 7 fuglar, 4 ernir, 1 skolli og 6 pör.

challengetour dpworldtour nextgolftour
Auglýsing