Stephen Curry er af mörgum talinn vera besti körfuboltamaður veraldar nú um stundir. Bandaríkjamaðurinn var í heimsókn hér á Íslandi nýverið og lék hann m.a. golf á Hvaleyrarvelli hjá Golfklúbbnum Keili.
Hann er lykilmaður í NBA liðinu Golden State Warriors og einn sá allra hittnasti í langskotunum sem sögur fara af.
Curry er ekki aðeins góður í körfubolta, hann er afar liðtækur kylfingur og lék um þriggja ára skeið með golfliðinu í framhaldsskólanum Charlotte Christian í Karólínufylki.
