Einvígið á Nesinu – til styrktar Barnaspítala Hringsins

Einvígið á Nesinu.

Hið árlega góðgerðarmót Nesklúbbsins, Einvígið á Nesinu (shoot-out) verður haldið í 22. sinn á Nesvellinum mánudaginn 6. ágúst næstkomandi.

Venju samkvæmt er 10 af bestu kylfingum landsins fyrr og síðar boðið til leiks og munu þau í ár leika í þágu „Barnaspítala Hringsins“.

Á Barnaspítalanum er veitt sérhæfð, fjölskyldumiðuð heilbrigðisþjónusta fyrir börn og unglinga að 18 ára aldri þar sem í allri þjónustu er áhersla lögð á að greina þarfir og auka vellíðan skjólstæðinga

Mótið verður með hefðbundnu sniði, þ.e. klukkan 10.00 leika keppendur 9 holu höggleik og kl. 13.00 hefst Einvigið sjálft (shoot-out) þar sem einn kylfingur dettur út á hverri holu, þar til tveir berjast að lokum um sigurinn.

Einvígið á Nesinu var fyrst haldið árið 1997 og á þessum tíma hefur Nesklúbburinn komið að því að styrkja félög og samtök sem láta sér hag barna varða um rúmlega tuttugu milljónir króna.

Í ár ætlar Nesklúbburinn fyrir tilstuðlan velunnara að gefa til Barnaspítalans Hringsins kr. 500.000 í þeirra þarfa verkefni. Mótið verður tekið upp og sýnt í sjónvarpi Símans skömmu síðar.

Þátttakendur í Einvíginu 2018

  • Alfreð Brynjar Kristinsson, GKG – Klúbbmeistari GKG 2018

    Símamótið 2016
    Alfreð Brynjar Kristinssson, GKG.
  • Björgvin Sigurbergsson, GK – Margfaldur Íslandsmeistari

    Björgvin Sigurbergsson sló fyrsta höggið á Íslandsmótinu en hann varð Íslandsmeistari síðast þegar mótið fór fram á Jaðarsvelli.
  • Björn Óskar Guðjónsson GM – Landsliðsmaður í golfi og 2. sæti á Íslandsmótinu í höggleik 2018

    Frá Honda-Classic mótinu á Eimskipsmótaröðinni á Garðavelli.
    Björn Óskar Guðjónsson, GM.
  • Dagbjartur Sigurbrandsson, GR – Klúbbmeistari GR 2018 og Íslandsmeistari drengja 15-16 ára

    Dagbjartur Sigurbrandsson.
  • Guðmundur Rúnar Hallgrímsson, GS – Klúbbmeistari GS 2018
  • Kristján Þór Einarsson, GM – Klúbbmeistari GM 2018 og sigurvegari Einvígisins 2017

    Kristján Þór Einarsson. Mynd/seth@golf.is
  • Ólafur Björn Loftsson, NK- Klúbbmeistari Nesklúbbsins 2018 og atvinnukylfingur

    Símamótið 2016
    Ólafur Björn Loftsson, GKG
  • Ragnhildur Kristinsdóttir, GR – Landsliðskona í golfi og Íslandsmeistari kvenna í holukeppni 2018

    Ragnhildur Kristinsdóttir, GR. Mynd/Hari
  • Ragnhildur Sigurðardóttir, GR – Klúbbmeistari GR 2018 og margfaldur Íslandsmeistari

    Ragnhildur Sigurðardóttir.
  • Rúnar Arnórsson, GK – Landsliðsmaður í golfi og Íslandsmeistari karla í holukeppni 2018

    Rúnar Arnórsson. Mynd/Hari
(Visited 1,110 times, 1 visits today)