Gregor Brodie afreksstjóri Golfsambands Íslands og Ólafur Björn Loftsson aðstoðarafreksstjóri hafa tilkynnt hvaða leikmenn skipa Elítuhóp og Afrekshóp GSÍ.

Alls eru 64 kylfingar í þessum hópum, 24 í Elítuhópnum og 40 í Afrekshópnum.

Við höfum ákveðið að velja fleiri kylfinga í landsliðshóp að þessu sinni. Áherslan verður vissulega mismikil á kylfinga en við viljum í hið minnsta gefa fleiri efnilegum kylfingum tækifæri að sækja sér þekkingu í gegnum fjölbreytt námskeið og heimsklassa kennsluefni,” segir Brodie.

„Síðustu mánuðir hafa einkennst af mótahaldi hjá okkar kylfingum bæði hérlendis og erlendis en nú þegar keppnistímabilinu er lokið fyrir flesta kylfinga þá hefst afar spennandi tími. Okkar hlutverk er að fræða og þjálfa okkar efnilegu kylfinga til að greiða leið þeirra áfram í golfíþróttinni. Við höfum frábært tækifæri nú yfir vetrarmánuðina og munum við leggja áherslu á reglulegar æfingalotur þar sem við munum meðal annars koma með heimsklassa sérfræðinga til Íslands. Til dæmis þá kemur þjálfarinn Martin Joyce frá Ástralíu til landsins í fyrstu æfingalotunni og ásamt honum einn af hans kylfingum, David Micheluzzi. Fyrir nokkrum dögum gerðist David atvinnukylfingur en þá var hann í 4. sæti á lista bestu áhugakylfinga heims. Þeir munu halda námskeið fyrir kylfinga og þjálfara um næstu mánaðamót,“ segir Gregor Brodie við golf.is

Elítuhópur (24 kylfingar*)
14 karlar á aldrinum 16-27 ára
10 konur á aldrinum 13-23 ára

*Af þessum 24 kylfingum eru 10 í háskólagolfi í Bandaríkjunum þannig að yfir vetrartímann eru alla jafna 14 kylfingar hópsins á Íslandi.

Afrekshópur (40 kylfingar)
27 karlar á aldrinum 15-24 ára
13 konur á aldrinum 13-24 ára

Elítuhópur (Elite)

Afrekshópur (Performance)