Evrópumót í liðakeppni áhugakylfinga fór fram víðsvegar um Evrópu í síðustu viku. Kvennalið Íslands keppti á Tawast Golf & Country Club í Finnlandi dagana 11.-15. júlí.
Keppnisfyrirkomulagið var með þeim hætti að fyrstu tvo keppnisdagana var leikinn höggleikur og næstu þrjá daga þar á eftir var leikin holukeppni.
Í höggleikskeppninni töldu fimm bestu skorin hjá hverju liði í hverri umferð en sex leikmenn voru í hverju liði. Átta efstu þjóðirnar eftir höggleikinn kepptu um Evrópumeistaratitilinn í A-riðli.
Þær þjóðir sem enduðu í sætum 9-16 kepptu í B-riðli og aðrar þjóðir sem eru fyrir neðan 16. sætið kepptu í C-riðli.
Í holukeppninni voru leiknir tveir fjórmenningar (foursomes) fyrir hádegi. Í fjórmenningskeppninni leika tveir leikmenn gegn tveimur öðrum leikmönnum – og hvort lið leikur einum bolta. Eftir hádegi voru leiknir fimm tvímenningsleikir (singles) þar sem að einn leikmaður leikur gegn öðrum leikmanni.
Ísland endaði í 13. sæti eftir höggleikskeppnina. Og lék því í B-riðli um sæti 9-16. Þar mætti Dönum í fyrstu umferð og sá leikur tapaðist 4-1. Í næstu umferð sigraði Ísland lið Slóvakíu 4-1. Í lokaumferðinni tapaði Ísland gegn Ítalíu 4-1 og 14. sætið var niðurstaðan hjá Íslandi.
Þjálfari íslenska liðsins var Ólafur Björn Loftsson og Árný Lilja Árnadóttir var sjúkraþjálfari liðsins.
Eftirtaldir leikmenn skipuðu kvennalið Íslands:
- Andrea Bergsdóttir, Hills GC
- Anna Júlía Ólafsdóttir, GKG
- Heiðrún Anna Hlynsdóttir, GOS
- Hulda Clara Gestsdóttir, GKG
- Perla Sól Sigurbrandsdóttir, GR
- Saga Traustadóttir, GKG
Nánari upplýsingar um mótið má nálgast hér:
Lokastaðan:
- Spánn
- England
- Þýskaland
- Sviss
- Svíþjóð
- Tékkland
- Frakkland
- Írland
- Danmörk
- Finnland
- Austurríki
- Skotland
- Ítalía
- Ísland
- Slóvakía
- Wales
- Belgía
- Slóvenía
- Tyrkland
4. keppnisdagur:
Ísland lék gegn Slóvakíu á fjórða keppnisdegi og þar hafði Ísland betur með öruggum sigri 4-1.
Úrslit leikjanna eru hér fyrir neðan.
3. keppnisdagur:
Ísland mætti Dönum í fyrstu umferð í B-riðlinum þar sem að keppt erum sæti 9-16.
Danir sigruð 4-1 í þessum leik og eiga Danir því enn möguleika á að enda í efsta sæti B-riðilsins sem gefur 9. sætið í heildarkeppninni.
Ísland mætir liði Slóvakíu í 2. umferð á föstudaginn.
2. keppnisdagur:
Íslenska liðið bætti sig verulega á öðrum keppnisdegi og var samanlagt skor fimm kylfinga +2 yfir pari. Samtals var Ísland á +18 höggum yfir pari eða 738 höggum (376-362). Ísland fór upp um 3 sæti og endaði í 13. sæti eftir höggleikinn og leikur því um sæti 9-16 á þessu móti.
Hulda Clara Gestsdóttir varð jöfn í 7. sæti í höggleiknum en hún lék samtals á -7 eða 137 höggum (71-66). Hún lék frábært golf á síðari hringnum eða 66 höggum eða -8 þar sem hún fékk alls sex fugla.
Perla Sól Sigurbrandsdóttir lék samtals á 146 höggum eða +2 samtals (75-71). Í dag lék hún á einu höggi undir pari og bætti sig um fjögur högg frá fyrsta hringnum. Perla Sól endaði jöfn í 51. sæti í höggleiknum.
Andrea Bergsdóttir lék samtals á 148 höggum eða +4 samtals (75-73). Hún endaði jöfn í 67. sæti í höggleiknum.
Heiðrún Anna Hlynsdóttir lék samtals á 152 höggum eða +8 samtals (77-75). Hún endaði í 86. sæti í höggleiknum.
Anna Júlía Ólafsdóttir lék samtals á 155 höggum eða +11 samtals (77-78). Hún endaði í 97. sæti í höggleiknum.
Saga Traustadóttir lék samtals á 156 höggum eða +12 samtals (79-77). Hún endaði í 101. sæti í höggleiknum.
1. keppnisdagur:
Ísland er í 16. sæti eftir fyrsta keppnisdaginn í höggleiknum. Ísland lék samtals á +24 eða 384 höggum. Fimm bestu skorin af alls sex hjá hverju liði telja í höggleiknum. Svíar eru í efsta sæti á -20 samtals, Þýskaland er í öðru sæti á -15 samtals og Spánverjar eru í þriðja sæti á -11 samtals. Alls léku sex þjóðir undir pari samtals á fyrsta hringnum.
Hulda Clara Gestsdóttir lék á 71 höggi (-1) = 25. sæti.
Andrea Bergsdóttir lék á 75 höggum (+3) = 67. sæti.
Perla Sól Sigurbrandsdóttir lék á 75 höggum (+3) = 67. sæti.
Heiðrún Anna Hlynsdóttir lék á 77 höggum (+5) = 86. sæti.
Anna Júlía Ólafsdóttir lék á 78 höggum (+6) = 91. sæti.
——————————————-
Saga Traustadóttir lék á 79 höggum (+7) = 101. sæti.
