Áttu auka léttan en hlýjan útivistarfatnað sem þú mættir missa til góðs málefnis?
Félag Úkraínumanna á Íslandi stendur fyrir söfnun á því sem nýtist einna helst á þeim svæðum sem eru hvað verst úti vegna átaka. Golfsamband Úkraínu óskaði nýverið eftir því að Golfsamband Íslands myndi leggja söfnunni lið.
Fésbókarsíða Félags Úkraínumanna er hér:
Félagið óskar helst eftir flíspeysum, léttum útivistarúlpum og léttum skóm (ýmist íþróttaskór eða léttir gönguskór, helst í stórum stærðum).
Einnig er óskað eftir tjöldum, svefnpokum og léttum dýnum sem auðvelt er að rúlla saman.
Golfsamband Íslands leggur eins og áður segir söfnunni lið í samstarfi við Golfsamband Úkraínu sem mun aðstoða við dreifingu frá landamærunum frá Póllandi.
Tekið er á móti varningi vestanmeginn í Holtagörðum 10.
Þriðjudaginn 8. mars 17-22,
Miðvikudaginn 9. mars 10-22
Fimmtudaginn 10. mars 10-22
Fyrirtækið TrackMan hefur einnig sett af stað í samstarfi við fjölmarga aðila söfnun á heimsvísu.
#GolfersForUkraine
Smelltu hér ef þú vilt leggja málefninu lið. – https://golfersforukraine.com/
Markmiðið er að safna fyrir starf UNICEF í Úkraínu.
Á meðal þeirra sem styðja við bakið á verkefninu eru PGA TOUR, European Tour og R&A.
Nú þegar hafa umtalsverðar upphæðir verið lagðar í þessa söfnun frá kylfingum víðsvegar um veröldina.
