Fimm íslenskir kylfingar keppa á 1. stigi úrtökumótsins fyrir Evrópumótaröðina

Fimm íslenskir atvinnukylfingar taka þátt á 1. stigi úrtökumótsins fyrir Evrópumótaröðina í golfi á næstunni. Keppt er á átta mismunandi stöðum í Evrópu á 1. stig úrtökumótsins.
Um 700 kylfingar taka þátt á 1. stigi úrtökumótsins og um 25% þeirra komast inn á 2. stigið. Þeir sem komast í gegnum 2. stig úrtökumótsins keppa síðan á lokaúrtökumótinu í nóvember.

Nánar má lesa um úrtökumótin hér. 

Ólafur Björn Loftsson (GKG) og Haraldur Franklín Magnús (GR) keppa í Austurríki og fer það mót fram dagana 18.-21. september. Keppnin fer fram á Golf Club Schloss Ebreichsdorf.

Nánar um mótið í Austurríki hér:

Andri Þór Björnsson (GR) og Guðmundur Ágúst Kristjánsson (GR) keppa á Englandi dagana 25.-28. september. Keppnin fer fram á Frilford Heath vellinum.

Nánar um mótið á Englandi hér:

Axel Bóasson (GK) keppir í Portúgal dagana 9.-12. október.  Keppt er á Bom Sucesso, Óbidos vellinum.

Nánar um mótið í Portúgal hér:

Ólafur Björn Loftsson. Mynd/seth@golf.is
Haraldur Franklín.Mynd/seth@golf.is
Símamótið 2016
Andri Þór Björnsson, GR og Theodór Emil Karlsson, GM.
Guðmundur Ágúst Kristjánsson.
Axel Bóasson. Mynd/ Tristan Jones

 

 

(Visited 293 times, 1 visits today)