Fjórir íslenskir atvinnukylfingar hefja leik í dag á Nordic Tour atvinnumótaröðinni í Danmörku. Mótaröðin er í þriðja styrkleikaflokki atvinnumótaraða í Evrópu.
Mótið fer fram á Romo vellinum á vesturströnd Jótlands í Danmörku en þetta er fyrsta mótið frá því í mars á þessari mótaröð.
Skorið frá mótinu má nálgast hér:
Axel Bóasson úr Keili hóf leik kl. 6:40 að íslenskum tíma, Andri Þór Björnsson úr GR hóf leik kl. 7:20, Haraldur Franklín Magnús úr GR hefur leik kl. 7:40 og Guðmundur Ágúst Kristjánsson úr GR hefur leik kl. 12:10 í dag.
