Valdís Þóra Jónsdóttir lék frábært golf á lokahringnum á Jabra Ladies Open mótinu sem er hluti af LET Access atvinnumótaröðinni – sem er sú næst sterkasta í Evrópu.
Valdís var í 48. sæti fyrir lokahringinn en hún lék á 68 höggum í dag eða -3 og fór upp í 22. sætið. Valdís lék hringina þrjá á 71-75-68.
Mótið, sem fram fer í Evian í Frakklandi,.er einnig úrtökumót fyrir Evian risamótið sem fram fer í september í Frakklandi. Valdís komst ekki inn á Evian risamótið að þessu sinni.
Hægt var að fylgjast með gangi mála hjá Valdísi með því að smella hér:
Valdís er sem kunnugt er með keppnisrétt á LET Evrópumótaröðinni sem er sú sterkasta í Evrópu. Hlé er á keppnishaldinu á LET Evrópumótaröðinni en næsta mót á LET Evrópumótaröðinni fer fram í Taílandi í byrjun júní.
