Nú er lokið Evrópukeppni eldri kylfinga sem fram fór í Sandefjord og Larvik í Noregi 2.- 4. ágúst. Landslið Íslands án forgjafar endaði í 7- 8. sæti ásamt Spánverjum á 965 höggum eftir þrjá daga. Ítalía fagnaði Evrópumeistaratitlinum á 906 höggum samtals.
Af Norðurlandaþjóðunum var það bara Finnland sem var fyrir ofan Ísland.
Forgjafarliðið endaði í 11. sæti eftir ágætis árangur á síðasta degi.
Umgjörð og framkvæmd Norðmanna var til fyrirmyndar og landsliðsmenn ánægðir með móttökurnar og koma sælir heim.
Lið Íslands í forgjafarkeppninni var þannig skipað: Ásbjörn Björgvinsson, JónasTryggvason, Guðlaugur Kristjánsson, Þorsteinn R. Þórsson, Júlíus Júlíusson, Helgi Ingason.
Lið Íslands án forgjafar var þannig skipað: Gauti Grétarsson, Snorri Hjaltason, HörðurSigurðsson, Gunnar Þórisson, Sæmundur Pálsson, Sigurður Aðalsteinsson.
Forgjafarúrslitin má nálgast hér.
Úrslit án forgjafar má nálgast hér.