Íslandsmót unglinga í höggleik 2024 fyrir keppendur 14 ára og yngri fór fram á Nesvellinum á Seltjarnarnesi dagana 16.-18. ágúst.

Aðstæður voru krefjandi fyrir yngstu afreksefni landsins – en töluverður vindur var á Seltjarnarnesinu alla þrjá keppnisdagana.

Í piltaflokki 12 ára og yngri sigraði Ásgeir Páll Baldursson, GM, Jón Reykdal Snorrason, GKG varð annar og Óskar Jóhann Sigurðsson, GM varð þriðji.

Leiknir voru þrír 9 holu hringir í þessu móti.

1. Ásgeir Páll Baldursson, Golfklúbbur Mosfellsbæjar 119 högg (40-41-38)
2. Jón Reykdal Snorrason, Golfklúbbur Kópavogs – og Garðbæjar 120 högg (37-39-44)
3. Óskar Jóhann Sigurðsson , Golfklúbbur Mosfellsbæjar 130 högg (40-46-44)

Smelltu hér fyrir úrslit:

Smelltu hér fyrir myndasafn á gsimyndir.is

Frá vinstri: Jón Reykdal, Ásgeir Páll og Óskar Jóhann.
Með þeim á myndinni eru Birgir Leifur Hafþórsson stjórnarmaður GSÍ, Steinn Baugur Gunnarsson íþróttastjóri NK og Guðmundur Örn Árnason barna – og unglingaþjálfari NK – en þeir voru í mótstjórn Íslandsmótsins.

Alls voru 99 keppendur og komu þeir frá 12 klúbbum víðsvegar af landinu. Flestir voru frá GK eða 20 alls, GR var með 17 og NK 16.

Í piltaflokki komu keppendur frá 11 klúbbum og í stúlknaflokki komu keppendur frá 9 klúbbum. Átta klúbbar voru með keppendur í bæði stúlkna – og piltaflokki.

Keppnisfyrirkomulagið var höggleikur án forgjafar.

Meðalforgjöfin í mótinu var 19.5. Lægsta forgjöfin var 0.5.