GB er staðsettur að Hamarsvelli í Borgarnesi. Þar er starfræktur glæsilegur 18 holu golfvöllur, æfingasvæði, æfingavöllur og púttsvæði. Samstarfssamningur er á milli GB og Hótel Hamars þar sem klúbbmeðlimir hafa aðstöðu. Fjöldi gesta sækir völlinn heim á hverju ári og haldin eru fjölmörg golfmót á vellinum, bæði innanfélagsmót og opin mót. 

Klúbburinn er metnaðarfullur, framsýnn og felast spennandi framtíðartækifæri í þróun starfsins og vallarins. 

Nánari upplýsingar um GB má finna á heimasíðu klúbbsins gbgolf.is.

Starfssvið:
Framkvæmdastjóri heyrir undir stjórn GB og er formaður félagsins hans næsti yfirmaður.

Meðal helstu verkefna framkvæmdastjóra eru:

Yfirumsjón með og ábyrgð á daglegum rekstri, þar með talið starfsmannahald, fjármál og samskipti við þá aðila sem tengjast rekstrinum á einhvern hátt svo sem samstarfsaðila, styrktaraðila, birgja og verktaka.

• Ábyrgð á þjónustu við klúbbmeðlimi og almenna kylfinga.
  
  
• Gerð framkvæmdaráætlunar í samstarfi við stjórn, vallarnefnd og vallarstjóra og eftirlit með öllum framkvæmdum ásamt uppgjöri á þeim.
  
  
• Samræming verkefna og eftirfylgni þeirra.
  
  
• Upplýsingagjöf og samstarf við stjórn og nefndir klúbbsins

Menntunar- og hæfniskröfur:

• Háskólamenntun og/eða menntun sem nýtist í starfi
  
  
• Reynsla af stjórnun og fjármálum er kostur
  
  
• Þekking á vallarstjórnun og fagleg þekking á umhirðu golfvalla er kostur
  
  
• Þekking og reynsla af golfíþróttinni er kostur
  
  
• Frumkvæði og metnaður til að ná árangri í starfi
  
  
• Færni í mannlegum samskiptum, samskiptahæfni og samstarfsvilji
  
  
• Jákvæðni og þjónustulund
  
  
• Góð íslensku- og enskukunnátta, í töluðu og rituðu máli
  
  
• Haldgóð tölvukunnátta

Umsókn skal fylgja greinargóð ferilskrá umsækjanda og kynningarbréf þar sem ástæða

umsóknar er tilgreind.

Um er að ræða 100% stöðu frá og með 1. október 2024. Umsóknarfrestur er til 20. september

Frekari upplýsingar veitir formaður klúbbsins, Snæbjörn Óttarsson, baunar@gmail.com.