Golfklúbbur Öndverðarness (GÖ) leitar að nýjum framkvæmdarstjóra sem hefur yfirumsjón með öllum daglegum rekstri klúbbsins. 

GÖ er staðsettur að Öndverðarnesi í Grímsnesi. Þar er starfræktur 18 holu golfvöllur, æfingasvæði, veitingasala með um 150 manna veislusal og leiga á golfbílum og settum. 

Klúbburinn er í dag með tæplega 700 meðlimi sem er mjög  samheldinn hópur. Klúbburinn er metnaðarfullur, framsýnn og mjög vel tækjum búinn og má þar nefna að komnir eru slátturóbotar á allar brautir vallarins sem knúðir eru með sólarorku,  vökvunarkerfi er komið á flestar flatir og teiga vallarinn svo eitthvað sé nefnt.

Nánari upplýsingar um GÖ má finna á heimasíðu félagsins www.gogolf.is

Starfssvið: 

Framkvæmdarstjóri heyrir undir stjórn GÖ og er formaður félagsins hans næsti yfirmaður. Meðal helstu verkefna framkvæmdastjóra eru:

• Yfirumsjón með og ábyrgð á daglegum rekstri, þar með talið starfsmanannahald, fjármál og samskipti við þá aðila sem tengjast rekstrinum á einhvern hátt svo sem ábyrgðamenn veitingasölu, styrktaraðila, birgja og verktaka.  
• Ábyrgð á þjónustu við klúbbmeðlimi sem og almenna kylfinga 
• Gerð framkvæmdaráætlunar í samstarfi við stjórn, vallarnefnd og vallarstjóra og eftirlit með öllum framkvæmdum ásamt uppgjöri á þeim.
• Ábyrgð á innkaupum og rekstri tækjabúnaðar klúbbsins
• Samræming verkefna og eftirfylgni þeirra 
• Upplýsingagjöf og samstarf við stjórn og nefndir klúbbsins 

Menntunar- og hæfniskröfur: 

• Háskólamenntun og / eða menntun sem nýtist í starfi 
• Þekking á vallarstjórnun og fagleg þekking á umhirðu golfvalla er mjög æskileg
• Þekking og reynsla af golfíþróttinni
• Frumkvæði og metnaður til að ná árangri í starfi 
• Færni í mannlegum samskiptum, samskiptahæfni og samstarfsvilji 
• Jákvæðni og þjónustulund 
• Góð íslensku- og enskukunnátta, í töluðu og rituðu máli 
• Haldgóð tölvukunnátta 
• Reynsla af stjórnun 

Umsókn skal fylgja greinargóð ferilskrá umsækjanda og kynningarbréf þar sem ástæða umsóknar er tilgreind.

Um er að ræða 100% stöðu frá og með haustinu 2024. Umsóknarfrestur er til 31. Júlí 2024.

Umsóknum skal skilað í gegnum alfred.is

https://alfred.is/starf/597de353-d9fe-4902-be4d-2878a5d47536