Gríðarleg aukning í spiluðum hringjum

Frá Leirdalsvelli hjá GKG. Mynd/seth@golf.is

Golfsumarið 2019 hefur farið gríðarlega vel af stað og þá sérstaklega í samanburði við árið 2018.

Golfvellirnir komu einstaklega vel undan vetri og golfvertíðin hófst mun fyrr en á undanförnum árum.

Hjá Golfklúbbi Kópavogs og Garðabæjar liggja fyrir áhugaverðar staðreyndir og samanburður á milli 2018 og 2019.

Á Leirdalsvelli er aukningin um 56% í spiluðum hringjum og aukningin er 81% á milli ára á Mýrinni.

Þátttaka í mótum hefur einnig aukist umtalsvert eða tæplega 20% á milli ára.

Hjá félagsmönnum GKG er aukningin 74% í spiluðum hringjum á Leirdalsvelli og 91% í Mýrinni.

Svipaða sögu er að segja frá öðrum klúbbum landsins.

(Visited 1.143 times, 1 visits today)