Bein sjónvarpsútsending verður frá Íslandsmótinu í golfi sem fram fer á Urriðavelli hjá Golfklúbbnum Oddi 9.-12. ágúst 2023. Útsendingin verður á RÚV líkt og undanfarin ár.
Samningur til þriggja ára um útsendingar frá Íslandsmótinu í golfi var undirritaður nýverið. Hulda Bjarnadóttir forseti GSÍ, Brynjar Eldon Geirsson framkvæmdastjóri GSÍ og Hilmar Björnsson íþróttastjóri RÚV undirrituðu samninginn.
Íslandsmótið í golfi hefur verið í beinni sjónvarpsútsendingu í rúmlega aldarfjórðung
Fyrst var sýnt frá Íslandsmótinu í beinni útsendingu árið 1998 þegar mótið fór fram á Hólmsvelli í Leiru. Það er einsdæmi á heimsvísu að sýnt sé frá meistaramóti áhugakylfinga í beinni sjónvarpsútsendingu
Útsendingin í ágúst n.k. verður sú tólfta hjá RÚV en fyrstu 13 árin var sýnt frá mótinu á SÝN og einu sinni var sýnt frá mótinu á Stöð 2 sport.
![IMG_1152 - Golfsamband Íslands](https://www.golf.is/wp-content/uploads/2023/07/IMG_1152-768x1024.jpg)
Hilmar Björnsson, Hulda Bjarnadóttir forseti GSÍ og Brynjar Eldon Geirsson framkvæmdastjóri GSÍ.