Guðmundur Ágúst Kristjánsson er í 22. sæti á stigalista Nordic Tour atvinnumótaraðarinnar þegar líður að lokum keppnistímabilsins.
Guðmundur Ágúst endaði í 10. sæti á Harboe Open sem fram fór í Trelleborg í síðustu viku. Alls hefur GR-ingurinn leikið á 20 mótum á tímabilinu.
Hann lék hringina þrjá á -5 (70-68-73).
Besti árangur hans á mótaröðinni á tímabilinu er 4. sætið. Haraldur Franklín Magnús er í 52. sæti stigalistans og Andri Þór Björnsson er í 70. sæti á stigalistanum.
