Guðmundur Ágúst Kristjánsson.
Auglýsing

Fjórir íslenskir kylfingar voru á meðal keppenda á Mediter Real Estate Masters – sem fram fór á PGA Catalunya Resort við Barcelona á Spáni.

Guðmundur Ágúst Kristjánsson úr GR gerði sér lítið fyrir og sigraði. Mótið er hluti af Nordic Tour atvinnumótaröðinni og er þetta fyrsti sigur hans á mótaröðinni sem er í þriðja styrkleikaflokki atvinnumótaraða í Evrópu.

Eftir því sem best er vitað hefur aðeins Axel Bóasson úr GK náð að vinna mót á þessari mótaröð. Axel landaði tveimur sigrum árið 2017 og stóð uppi sem stigameistari í lok keppnistímabilsins.

Það er að miklu að keppa á þessari mótaröð. Fimm stigahæstu kylfingarnir í lok keppnistímabilsins fá keppnisrétt á Áskorendamótaröðinni (Challenge Tour) á næsta tímabili.

Skor keppenda er uppfært hér:

Guðmundur Ágúst Kristjánsson (GR) sigraði á -12 samtals (64-70-66).
Skor hans á mótinu má sjá hér fyrir neðan. 

Haraldur Franklín Magnús úr GR endaði í 17. sæti á -3 samtals  (71-70-68).

Haraldur Franklín.

Andri Þór Björnsson úr GR endaði í 40. sæti á +2 samtals, (67-76-71).

Símamótið 2016
Andri Þór Björnsson, GR og Theodór Emil Karlsson, GM.

 

Axel Bóasson úr Keili er úr leik á +4 samtals (74-72)

Axel Bóasson, GK.

Deildu:

Auglýsing
Auglýsing

Fylgstu með GSÍ á samfélagsmiðlunum

Hlökkum til að sjá þig á samfélagsmiðlum GSÍ