Guðmundur Ágúst leikur á Evrópumótaröðinni í annað sinn

Guðmundur Ágúst Kristjánsson. Mynd/seth@golf.is

Guðmundur Ágúst Kristjánsson, atvinnukylfingur úr GR, fær tækifæri til að sýna sig og sanna á Evrópumótaröðinni dagana 23.-26. maí.

Guðmundur Ágúst kemst inn á þetta mót á sterkustu mótaröð Evrópu vegna góðrar stöðu sinnar á stigalista dönsku atvinnumótaraðarinnar.

Mótið er eins og áður segir á sterkustu atvinnumótaröð Evrópu. Guðmundur Ágúst hefur leikið vel á Nordic Tour mótaröðinni golfsambönd á Norðurlöndunum standa að þessari mótaröð.

Mótið fer fram á Himmerland vellinum í Danmörku. Mótið hefur notið mikilla vinsælda hjá áhorfendum á udnanförnum árum.

Made in Denmark er nafnið á mótinu. Þetta verður í annað sinn sem Guðmundur Ágúst keppir á Evrópumótaröðinni. Hann lék á Nordea Masters mótinu

Þetta er ekki fyrsta mót á vegum Evrópumótaraðarinnar sem Guðmundur tekur þátt í en áður hefur hann leikið á Nordea Masters mótinu í Svíþjóð.

Guðmundur Ágúst er aðeins fimmti íslenski karlkylfingurinn sem hefur leikið á móti á Evrópumótaröðinni. Birgir Leifur Hafþórsson hefur leikið á mörgum tugum móta, Heiðar Davíð Bragason á einu, líkt og Björgvin Sigurbergsson. Haraldur Franklín Magnús lék á Opna breska í fyrra sem er hluti af Evrópumótaröðinni.

Með þátttöku sinni í Danmörku nær Guðmundur Ágúst að komast í annað sætið yfir fjölda móta á Evrópumótaröðinni á eftir Birgi Leifi.

(Visited 206 times, 1 visits today)