Guðmundur Ágúst Kristjánsson og Haraldur Franklín Magnús atvinnukylfingar úr GR, halda áfram að klifra upp heimslista atvinnukylfinga í golfi.
Guðmundur Ágúst er í sæti nr. 535 en hann var í sæti nr. 570 í síðustu viku. Á þessu ári hefur Guðmundur Ágúst farið upp um 1121 sæti.
Haraldur Franklín er í sæti nr. 596. Hann var í sæti nr. 641 í síðustu viku. Á þessu ári hefur Haraldur Franklín farið upp um 856 sæti.
Alls eru 11 íslenskir karlkylfingar á heimslista karla í atvinnumannaflokki.
