Guðrún Brá Björgvinsdóttir úr Keili og Berglind Björnsdóttir úr GR voru báðar á meðal keppenda á Lavaux mótinu sem fram fer í Golf de Lavaux, Puidoux, í Sviss.
Guðrún Brá endaði í 19. sæti en hún lék samtals á +2 (75-67-76) eða 218 höggum.
Mótið er hluti af LET Access mótaröðinni sem er næst sterkasta mótaröð Evrópu hjá atvinnukylfingum í kvennaflokki.
Berglind komst ekki í gegnum niðurskurðinn en hún lék fyrstu tvo hringina á 76 og 79 höggum.
