Guðrún Brá Björgvinsdóttir atvinnukylfingur úr Keili endaði í áttunda sæti á LET Access móti sem fram fór í Finnlandi. Það er næst besti árangur hennar á næst sterkustu atvinnumótaröð Evrópu.
Íslandsmeistarinn var í toppbaráttunni alla þrjá keppnisdagana og var í efsta sæti eftir fyrsta hringinn.
Guðrún Brá lék samtals á pari vallar en Nina Pegova frá Rússland sigraði á -7 samtals. Pegova og Guðrún Brá deildu efsta sætinu eftir fyrsta hringinn.
Guðrún Brá hefur tvívegis endað í 7. sæti á þessari atvinnumótaröð á þessu tímabili – sem er besti árangur hennar á mótaröðinni.