Guðrún Brá Björgvinsdóttir, atvinnukylfingur úr Keili Hafnarfirði, tekur þátt á stóru móti á LET Evrópumótaröðinni sem fram fer í Taílandi í þessari viku.
Mótið fer fram á Thai Country Club og eru leiknir 3 keppnishringir – fyrsti keppnisdagurinn er fimmtudagurinn 12. maí og lokahringurinn fer fram laugardaginn 14. maí.
Guðrún Brá var ráshóp með Marianne Skarpnord frá Noregi og Linda Weesberg frá Svíþjóð fyrstu tvo keppnisdagana – og skipuðu þær eitt af 26 liðum í mótinu. Í liðakeppninni endaði lið Guðrúnar í 12. sæti og fékk Guðrún Brá rúmlega 750.000 í verðlaunafé fyrir þann árangur líkt og liðsfélagar hennar. Keppendur í sigurliðinu skiptu um 15 milljónum kr. á milli sín og hver þeirra fékk um 4,7 milljónir kr. í verðlaunafé.
Á þriðja keppnisdegi eru keppendur ræstir út eftir skori og hefur Guðrún Brá leik rétt fyrir kl. 3 aðfaranótt föstudagsins 13. maí.
Guðrún Brá er í 33. sæti fyrir lokahringinn á höggi yfir pari vallar. Hún lék fyrsta hringinn á 74 eða +2 og hún var á höggi undir pari á öðrum hringnum.
Patty Tavatanakit frá Taílandi er í efsta sæti á -9 fyrir lokahringinn.
Eins og áður segir er mótið á meðal þeirra stærstu á keppnisdagskrá LET Evrópumótaraðarinnar og verðlaunaféð er þrefalt hærra en á venjulegu móti á LET.
Alls eru rúmlega 130 milljónir kr. í heildarverðlaunafé en til samanburðar var heildarverðlaunaféð á mótunum í Ástralíu á dögunum um 30 milljónir kr.
Keppnisfyrirkomulag mótsins er bæði einstaklings – og liðakeppni. Í hverju liði eru þrír atvinnukylfingar og einn áhugakylfingur.
Liðakeppnin fer fram samhliða einstaklingskeppninni á fyrstu tveimur keppnisdögunum og á lokahringnum verða aðeins þeir leikmenn sem komast í gegnum niðurskurðinn.
Smelltu hér fyrir stöðu, rástíma og úrslit mótsins.
Tímamismunurinn á milli Íslands og Bangkok í Taílandi eru +7 tímar.
Þrefaldi Íslandsmeistarinn í golfi er með fullan keppnisrétt á sterkustu atvinnumótaröð Evrópu, líkt og undanfarin ár. Hún hefur tekið þátt á sex mótum á tímabilinu.
Guðrún Brá náði sínum besta árangri á tímabilinu í lok apríl þegar hún endaði í 27. sæti á NSW mótinu í Ástralíu. Guðrún Brá hefur náð í gegnum niðurskurðinn á fjórum mótum af alls sex.
Á stigalistanum er Guðrún Brá í sæti nr 106 þessa stundina.
Smelltu hér fyrir stigalistann í heild sinni.
Á fjórða tug móta eru á keppnisdagskrá LET Evrópumótaraðarinnar.
Keppnisdagskrá LET 2022 er hér í heild sinni:
Guðrún Brá gerðist atvinnukylfingur árið 2018. Hún er fjórða konan frá Íslandi sem tryggir sér keppnisrétt á LET Evrópumótaröðinni. Ólöf María Jónsdóttir, Ólafía Þórunn Kristinsdóttir og Valdís Þóra Jónsdóttir hafa einnig verið með keppnisétt á LET.
Alls lék Guðrún Brá á 16 mótum á LET Evrópumótaröðinni á síðasta tímabili. Besti árangur hennar á árinu 2021 var 12. sæti.
Á heimslistanum hefur Guðrún Brá farið upp um rúmlega 270 sæti á árinu 2021 en hún er í sæti nr. 625 á heimslistanum.
Guðrún Brá lék á lokamóti LET Evrópumótaraðarinnar, annað árið í röð. Guðrún Brá endaði í 75. sæti á stigalistanum á LET Evrópumótaröðinni en árið 2020 endaði hún í sæti nr. 127 á stigalistanum.
Það eru mörg ferðalög framunda á þessu ári hjá Guðrúnu Brá líkt og undanfarin ár. Mótin á LET fara fram í fimm mismunandi heimsálfum, Afríku, Asíu, Eyjaálfu, Evrópu og Norður-Ameríku.
Afríka (3 mót)
Kenía (1 mót)
Suður-Afríka (2 mót)
Asía (5 mót)
Sádí-Arabía (2 mót)
Indland
Dubaí
Eitt mót fer fram Asíu þar sem á eftir að staðfesta keppnisstað.
Eyjaálfa (2 mót)
Ástralía, (2 mót)
Evrópa (20 mót)
Spánn (4 mót)
Frakkland (3 mót)
Belgía,
Svíþjóð (2 mót)
England
Tékkland,
Holland,
Skotland (2 mót)
Norður-Írland
Finnland
Sviss
Írland
Eitt mót fer fram Evrópu þar sem á eftir að staðfesta keppnisstað.
Norður-Ameríka (1 mót)
Bandaríkin.