Haraldur Franklín öruggur með sæti á Áskorendamótaröðinni

Haraldur Franklín Magnús. Photo by Arnaldur Halldórsson / 2019 Warner Bros. Entertainment Inc.

Haraldur Franklín Magnús, atvinnukylfingur úr GR, hefur tryggt sér keppnisrétt á Áskorendamótaröðinni (Challengetour). Þetta kemur fram í frétt á RÚV.

Haraldur Franklín er öruggur með að vera á meðal fimm efstu á stigalista Nordic Tour mótaraðarinnar. Fimm efstu sætin tryggja keppnisrétt á næst sterkustu atvinnumótaröð Evrópu.

Haraldur Franklín er þessa dagana að leika á Nordic Tour atvinnumótaröðinni þar sem hann hefur náð góðum árangri. Lokamótið fer fram í Eistlandi þessa dagana.

Skorið er uppfært hér:

Þar með er ljóst að tveir íslenskir atvinnukylfingar verða á Áskorendamótaröðinni á næsta tímabili.

Guðmundur Ágúst Kristjánsson, Íslandsmeistari í golfi 2019, tryggði sér keppnisrétt á Áskorendamótaröðinni fyrr á þessu ári með því að sigra á þremur mótum á Nordic Tour atvinnumótaröðinni.

Haraldur Franklín og Guðmundur Ágúst eiga enn möguleika á að tryggja sér keppnisrétt á sterkustu atvinnumótaröð Evrópu, sjálfri Evrópumótaröðinni. Þeir eru báðir á meðal keppenda á 2. stigi úrtökumótsins fyrir Evrópumótaröðina sem fram fer á fjórum keppnisvöllum á Spáni í nóvember.

(Visited 426 times, 1 visits today)