Helga Signý Pálsdóttir og Perla Sól Sigurbrandsdóttir keppa báðar á áhugamannamóti R&A fyrir stúlkur yngri en 16 ára (Girls U16 Amateur Championship) sem fram fer á Englandi dagana 22.-24. apríl 2022.
Mótið var sett á laggirnar árið 2018 og að þessu sinni er keppt á Enville golfsvæðinu skammt frá Birmingham á Englandi.
Alls eru 90 keppendur og koma þeir frá fjölmörgum löndum víðsvegar úr heiminum.
Keppnisfyrirkomulagið er 54 holu höggleikur en R&A setti mótið á laggirnar til þess að búa til verkefni fyrir efnilegustu kylfingana í stúlknaflokki yngri en 16 ára.
Perla Sól og Helga Signý eru báðar úr Golfklúbbi Reykjavíkur og hafa verið í fremstu röð í sínum aldursflokki undanfarin misseri.
