Það styttist í golfsumarið og upplýsingar um hvenær golfvellir landsins opna inn á sumarflatir er hægt að finna inn á vefnum rastimar.golf.is

Nú þegar hafa nokkrir golfvellir opnað inn á sumarflatir og á næstu dögum og vikum bætast fleiri vellir í þann hóp. Á vefnum er hægt að sjá áætlaðan opnunartíma golfvalla en með þeim fyrirvara að réttar upplýsingar hafi borist.

Vefurinn er samstarfsverkefni golf.is og rastimar.is. Markmiðið er að vefurinn sé einfaldur í notkun og sýni framboð á rástímum hvort sem er á golfvöllum eða í golfhermum. Vefurinn verður í þróun samhliða notkun og stendur til að bæta við virkni hans og þjónustu í sumar.